Nikhil New Record: నిఖిల్ దెబ్బకు.. ప్రభాస్, రజనీకాంత్ రికార్డులు బ్రేక్!

Nikhil

టాలీవుడ్ యంగ్ హీరో నిఖిల్ రజనీకాంత్, ప్రభాస్‌లను దాటి టాప్ 10లోకి దూసుకుపోయాడు. నిఖిల్ నటించిన భక్తిరస, అడ్వెంచర్ థ్రిల్లర్, కార్తికేయ 2 నేటికీ బాక్సాఫీస్ వద్ద కలెక్షన్లు సాధిస్తోంది.  నాలుగో వారాంతంలో కూడా ఈ సినిమా తెలుగు రాష్ట్రాల్లోనే కాకుండా నార్త్ బెల్ట్‌లో కూడా సక్సెస్ ఫుల్ గా రన్ అవుతోంది. 110 కోట్ల గ్రాస్‌ను దాటిన ఈ చిత్రం ఇప్పటికీ ప్రపంచవ్యాప్తంగా బాక్సాఫీస్ వద్ద జోరును కొనసాగిస్తోంది.  ఇక నార్త్ లో కూడా కార్తికేయ 2 హిందీ వెర్షన్ లో దూసుకుపోతోంది.

ఇప్పుడు హిందీలో సౌత్ చిత్రాలలో టాప్ గ్రాసర్‌లలో ఒకటిగా కార్తీకేయ-2 సినిమా నిలిచింది. బాక్సాఫీస్ లెక్కల ప్రకారం.. ఈ రోజు వరకు కార్తికేయ 2 రూ. 28 కోట్టు రాబట్టింది. రజనీకాంత్ కబాలి, రోబో, ప్రభాస్ రాధే శ్యామ్ వంటి కొన్ని పెద్ద చిత్రాలను అధిగమించడం ద్వారా హిందీలో దక్షిణాది చిత్రాలలో అత్యధిక వసూళ్లు సాధించించింది. ఫలితంగా టాప్ 10 జాబితాలో చోటు దక్కించుకుంది. అయితే KGF చాప్టర్ 1 హిందీ వెర్షన్‌లో దాదాపు 44 కోట్లు వసూలు చేసింది. అయితే బ్రహ్మాస్త్ర ఈ వారం విడుదల కానుంది. హీరో యష్ రికార్డును నిఖిల్ బ్రేక్ చేస్తాడా? లేదా అనేది వేచి చూడాల్సిందే.