ప్రస్తుతం సోషల్ మీడియాలో ఎక్కడ చూసినా ‘ప్యారడైజ్’ చిత్రంలోని ‘ఆయా షేర్’ పాట గురించే చర్చ జరుగుతోంది. సాధారణంగా నాని సినిమాల్లో నటనకు పెద్దపీట వేస్తారు, కానీ ఈ పాటలో ఆయన తనలోని అసలైన డ్యాన్సర్ను బయటకు తీశారు. ముఖ్యంగా ఆ రెండు జడల గెటప్లో నాని వేసిన హుక్ స్టెప్ చూసి అభిమానులు షాక్కు గురవుతున్నారు. “నాని.. ఇది నిజంగా నువ్వేనా?” అని అడిగేంతగా ఆయన బాడీ లాంగ్వేజ్ మారిపోయింది. అనిరుధ్ అందించిన హై-వోల్టేజ్ మాస్ బీట్కు పోటీగా నాని వేసిన స్టెప్పులు థియేటర్లలో పూనకాలు తెప్పించడం ఖాయమని అర్థమవుతోంది.
సింగిల్ టేక్ మ్యాజిక్.. కొరియోగ్రఫీ హైలైట్!
ఈ పాటలో మరో విశేషం ఏమిటంటే, క్లిష్టమైన హుక్ స్టెప్ను నాని సింగిల్ టేక్లో పూర్తి చేశారట. ఒక పక్క గ్రేస్, మరోపక్క ఎనర్జీని బ్యాలెన్స్ చేస్తూ ఆయన చేసిన డ్యాన్స్ మూమెంట్స్ నెటిజన్లను విపరీతంగా ఆకట్టుకుంటున్నాయి. అనిరుధ్ రవిచందర్ సంగీతం ఈ పాటకు ఆత్మ అయితే, నాని మేకోవర్ మరియు ఆయన ఎనర్జీ దానికి ప్రాణం పోశాయి. పక్కా లోకల్ యాసలో సాగే ఈ పాటలోని మాస్ ఎలిమెంట్స్ చూస్తుంటే, నాని ఈసారి బాక్సాఫీస్ వద్ద పెద్ద వేటనే ప్లాన్ చేసినట్లు కనిపిస్తోంది.
ఆగస్టు 21న అసలైన జాతర!
ఈ పాట తెచ్చిన క్రేజ్తో ఆగస్టు 21న విడుదల కాబోతున్న ‘ప్యారడైజ్’ సినిమాపై అంచనాలు రెట్టింపు అయ్యాయి. నాని కెరీర్లోనే ఇదొక డిఫరెంట్ అటెంప్ట్ అని ఈ సాంగ్ ప్రోమోస్ చూస్తేనే అర్థమవుతోంది. ఇప్పటికే ‘ఆయా షేర్’ సాంగ్ రీల్స్ రూపంలో ట్రెండింగ్లో ఉండగా, ఫుల్ వీడియోలో ఇంకెన్ని సర్ప్రైజ్ లు ఉన్నాయోనని ఫ్యాన్స్ ఆత్రుతగా ఎదురుచూస్తున్నారు. మొత్తానికి నాని తన కంఫర్ట్ జోన్ నుండి బయటకు వచ్చి చేసిన ఈ ప్రయోగం ఆయన మార్కెట్ను మరో స్థాయికి తీసుకెళ్లేలా ఉంది.