Deepika Padukone Admitted To Hospital: బాలీవుడ్ నటి దీపికా పదుకొణె ప్రస్తుతం తొమ్మిది నెలల గర్భవతి. త్వరలో తన మొదటి బిడ్డకు జన్మనివ్వబోతోంది. ఈరోజు సెప్టెంబర్ 7 సాయంత్రం 5 గంటలకు దీపికా పదుకొణె ఆసుపత్రిలో చేరినట్లు వార్తలు వస్తున్నాయి. ఇలాంటి పరిస్థితుల్లో ఈరోజే ఆమె డెలివరీ జరుగుతుందనే ఊహాగానాలు మొదలయ్యాయి. మీడియా నివేదికల ప్రకారం అభిమానులు ఎదురుచూస్తున్న క్షణం వచ్చినట్లుగా కనిపిస్తుంది.
ప్రెగ్నెన్సీ కారణంగా దీపికా పదుకొణె(Deepika Padukone) పేరు ప్రస్తుతం వార్తల్లో నిలుస్తోంది. ఇప్పుడు ఆమె ముంబైలోని ప్రముఖ ఆస్పత్రిలో అడ్మిట్ కావడంతో పెద్ద ఎత్తున చర్చ జరుగుతుంది. పదుకొణె, రణవీర్ సింగ్ లు సెప్టెంబర్‌లో తమ మొదటి బిడ్డను స్వాగతించబోతున్నారు. దీంతో అభిమానులు కూడా చాలా ఉత్సాహంగా ఉన్నారు. ఈ రోజు బహుశా ఒక ప్రత్యేకమైన రోజుగా మారవచ్చు. దీపికా దంపతులు ఈ రోజు రిలయన్స్ ఆసుపత్రికి చేరుకున్నారు. రణ్‌వీర్‌, దీపికా బ్లాక్‌ లగ్జరీ కారులో కనిపించిన దృశ్యాలు సోషల్‌ మీడియాలో హల్‌చల్‌ చేస్తున్నాయి.
అంతకుముందు దీపికా పదుకొణె మరియు రణవీర్ సింగ్ సిద్ధివినాయకుని ఆలయానికి వెళ్లారు. ముంబయిలోని సిద్ధివినాయక దేవాలయంలో కుటుంబ సభ్యులతో గణపతి ఆశీస్సులు తీసుకున్నారు. ఈ సమయంలో దీపిక ఆకుపచ్చ రంగు బనారసీ చీరలో తన బేబీ బంప్‌ను ప్రదర్శిస్తూ కనిపించింది.ఇప్పుడు గణేష్ చతుర్థి సందర్భంగా ఆమె రిలయన్స్ ఆసుపత్రికి చేరుకుంది. ఇలాంటి పరిస్థితుల్లో దీప్-వీర్ ఫ్యామిలీలో ఆనందం వెల్లివిరుస్తోంది. కాగా 2018 సంవత్సరంలో రణవీర్ మరియు దీపిక వివాహం చేసుకున్న సంగతి తెలిసిందే, ఇప్పుడు వివాహం అయిన 6 సంవత్సరాల తరువాత ఈ జంట తమ మొదటి బిడ్డను స్వాగతించడానికి సిద్ధంగా ఉన్నారు.
Also Read: Sarfaraz Khan Hits Five Fours: గర్జించిన సర్ఫరాజ్ ఖాన్, ఒకే ఓవర్లో 5 ఫోర్లు