Megastar: మ‌రో మ‌ల‌యాళ మూవీ రీమేక్‌లో మెగాస్టార్‌.. ఈసారి క‌థ ఏంటంటే..?

Chiranjeevi

మెగాస్టార్‌ చిరంజీవి తాజాగా నటించిన సినిమా గాడ్‌ఫాదర్. మోహన్ రాజా ద‌ర్శ‌కత్వంలో తెరకెక్కిన ఈ సినిమా ప్రస్తుతం సూప‌ర్ హిట్ టాక్‌తో థియేటర్లలో ర‌న్ అవుతున్న‌ సంగతి తెలిసిందే. దసరా పండుగ కానుకగా ఈ సినిమా థియేటర్లలో రిలీజ్ కావడంతో ఫస్ట్ వీకెండ్ వరకు ఈ సినిమా భారీ కలెక్షన్లను సాధించే అవ‌కాశం ఉంది. అయితే టాలీవుడ్‌లో ఓ వార్త ప్ర‌స్తుతం హ‌ల్‌చ‌ల్ చేస్తోంది. గాడ్‌ఫాదర్ మూవీ కూడా రీమేక్ మూవీయే. అయితే.. చిరంజీవి మరో మలయాళ రీమేక్‌లో నటించబోతున్నారని తెలుస్తోంది.

అంతేకాకుండా ఈ సినిమాకి రామ్‌చ‌ర‌ణ్‌ ప్రొడ్యూసర్ గా వ్యవహరించనున్నట్లు స‌మాచారం. ఇప్ప‌టికే మ‌ల‌యాళంలో సూప‌ర్ హిట్ అయిన ఆ మూవీ రీమేక్‌కు సంబంధించిన రైట్స్‌ను మెగా ప‌వ‌ర్ స్టార్ రామ్‌చ‌ర‌ణ్ ఇప్ప‌టికే సొంతం చేసుకున్నట్లు తెలుస్తోంది. ఈ న్యూస్ నిజ‌మైతే చిరంజీవి మ‌రో మ‌ల‌యాళ మూవీ రీమేక్‌లో న‌టించ‌బోతున్నార‌ని చెప్పుకోవ‌చ్చు.

అయితే ఆ మ‌ల‌యాళ సూప‌ర్ హిట్ మూవీ స్టోరీ లైన్ కూడా సూప‌ర్‌ గా ఉంటుంద‌ని తెలుస్తోంది. ఆ మ‌ల‌యాళం సినిమా పేరే భీష్మ‌ప‌ర్వం. మలయాళంలో ఈ మూవీ సూపర్ సక్సెస్ సాధించింది. ఈ మూవీలో మమ్ముట్టి న‌టించారు. ఈ రీమేక్ మూవీకి చిరంజీవి ఓకే చెబితే ఒక మాస్ డాన్ క్యారెక్టర్ లో ప్రేక్షకులు చిరంజీవిని చూడవ‌చ్చు. అయితే ప్ర‌స్తుతం మెగాస్టార్ బాబీ ద‌ర్శ‌క‌త్వంలో ఓ మూవీ చేస్తోన్నారు. ఈ మూవీలో మాస్ మ‌హారాజా ర‌వితేజ ఓ కీల‌క పాత్ర‌లో న‌టిస్తున్న‌ట్లు చిత్ర‌బృందం ప్ర‌క‌టించిన విష‌యం తెలిసిందే.