బుల్లితెరపై తన వినోదంతో ప్రేక్షకులను ఆకట్టుకున్న సుడిగాలి సుధీర్ (Sudigali Sudheer)ఇప్పుడు వెండి తెరపై కూడా అదరగొడుతున్నాడు. ఇప్పటికే సూపర్ హిట్స్ అందుకున్న సుధీర్ ..తాజాగా మెగా అభిమాని శివ చెర్రీ నిర్మాణంలో ఓ సినిమా చేయబోతున్నాడు. భారీ బడ్జెట్తో ఈ సినిమా రూపొందనుంది. టీవీ షోల ద్వారా సుధీర్కు ఏర్పడిన పాపులారిటీని సిల్వర్ స్క్రీన్ పైకి తీసుకువెళ్లే ప్రయత్నంగా ఈ సినిమా భావిస్తున్నారు. ఈ ప్రాజెక్ట్లో వినూత్నమైన కథ, మెరుగైన సాంకేతిక నైపుణ్యం ఉండబోతుందని సమాచారం.
Tulasi Plant: తులసి మొక్క విషయంలో పొరపాటున కూడా ఈ తప్పులు అస్సలు చేయకండి.. చేసారో!
ఈ నెల 29న రామానాయుడు స్టూడియోలో ఈ చిత్రానికి ముహూర్తపు పూజ ఘనంగా నిర్వహించనున్నట్లు యూనిట్ తెలిపింది. సినీ పరిశ్రమలో ఈ ముహూర్తం పెద్ద హంగామాగా జరగనుందని, ప్రముఖులు, పెద్ద స్థాయి టెక్నీషియన్లు ఈ వేడుకలో పాల్గొనబోతున్నారని నిర్మాతలు వెల్లడించారు. సుధీర్ కెరీర్లో ఇది కీలక మలుపు అవుతుందన్న అంచనాలు ఉన్నాయి.
కథ, సాంకేతికత, నటీనటుల పరంగా ఈ సినిమా ప్రత్యేకత సంతరించుకుంటుందని యూనిట్ చెబుతోంది. సుధీర్ అభిమానులు ఆయన మొదటి హీరో చిత్రానికి ఆత్రుతగా ఎదురుచూస్తున్నారు. బుల్లితెరలో తన ప్రత్యేకమైన శైలి, హాస్యంతో గుర్తింపు తెచ్చుకున్న సుధీర్ ఈ సినిమాతో కొత్త ఇమేజ్ సొంతం చేసుకునే అవకాశం ఉందని సినీ వర్గాలు వ్యాఖ్యానిస్తున్నాయి. దీంతో ఈ ప్రాజెక్ట్పై పరిశ్రమలోనే కాకుండా ప్రేక్షకుల్లోనూ భారీ ఆసక్తి నెలకొంది.