మంచు మనోజ్ శరీరంపై గాయాలున్నట్లు మెడికో లీగల్ రిపోర్టులో వెల్లడైంది. కడుపు, వెన్నెముక, ఎడమ కాలి పిక్క భాగంలో దెబ్బలు తగిలాయని, మెడపై గోళ్లతో రక్కిన ఆనవాళ్లున్నాయని తేలింది. మోహన్ బాబు – మనోజ్ (Mohanbabu Manoj-) కొట్లాట..ఇప్పుడు చిత్రసీమలోనే కాదు రెండు తెలుగు రాష్ట్రాల్లో హాట్ టాపిక్ గా మారింది. వివాదాలకు దూరంగా ఉండే మంచు ఫ్యామిలీ..ఇప్పుడు ఆస్తుల కోసం కొట్టుకోవడం..పోలీస్ స్టేషన్ మెట్లు ఎక్కడం పై అంత మాట్లాడుకుంటున్నారు.
గత కొద్దీ నెలలుగా మంచు మనోజ్ -vs – విష్ణు ల మధ్య గొడవ నడుస్తున్న సంగతి తెలిసిందే. సరిగ్గా ఏడాది క్రితమే మనోజ్ అనుచరుడి పైన విష్ణు దాడి చేయడం, ఆ వీడియోని మనోజ్ సోషల్ మీడియాలో పోస్ట్ చేయడంతో అన్నదమ్ముల మధ్య గొడవలు ఉన్నాయనే వార్తలు తెరపైకి వచ్చాయి. దీనికి తోడు మనోజ్ పెళ్లిలో కూడా విష్ణు అతిధి గానే వచ్చి వెళ్లిపోవడం… ఆలీతో సరదాగా కార్యక్రమంలో అన్నదమ్ముల ఇద్దరి మధ్య ఉన్న గొడవలపై క్లారిటీ ఇవ్వమని హోస్ట్ ఆలీ ప్రశ్నించగా.. తాను వేసుకున్న కోట్ కూడా విప్పుతూ సీరియస్ అయిపోయారు మంచు విష్ణు. మా ఇంట్లో గొడవలు బయట వాళ్లకి ఎందుకట అంటూ ఫైర్ అయ్యారు. దీన్ని బట్టి చూస్తే గొడవలు ఉన్నాయనే వార్తలు చాలావరకు స్పష్టమయ్యాయి. కానీ ఇప్పుడు ఏకంగా మనోజ్ హాస్పిటల్ లో చేరడంతో అందరూ కన్ఫామ్ అవుతున్నారు.
మంచు మనోజ్, మంచు మోహన్ బాబు విద్యాసంస్థల లో కీలకంగా పని చేసే వినయ్(Vinay) అనే వ్యక్తి రౌడీలతో కలిసి తన తండ్రి ప్రమేయంతో దాడి చేసినట్లు గాయాలతోనే పిఎస్ మెట్లు ఎక్కి మంచు మనోజ్ తనకు జరిగిన అన్యాయాన్ని వివరిస్తూ పోలీస్ స్టేషన్లో కంప్లైంట్ ఇచ్చారు. వినయ్ తో పాటు మరికొంతమంది తనను కొట్టారని అంతే కాదు తనతో పాటు తన భార్య భూమా మౌనిక రెడ్డి(Mounika Reddy) పై కూడా చేయి చేసుకున్నారని మంచు మనోజ్ తన ఫిర్యాదులో తెలిపారు. అనంతరం కుటుంబ సభ్యులు మంచు మనోజ్ ను ఆసుపత్రిలో చేర్పించారు. చికిత్స అనంతరం డీఛార్జ్ అయ్యారు. మనోజ్ వెంట ఆయన భార్య భూమా మౌనిక మరి కొంతమంది ఉన్నారు. ముఖ్యంగా కాళ్లకు బలమైన గాయం అవ్వడంతో మనోజ్ కి వైద్యులు వైద్య పరీక్ష నిర్వ్హయించారని అంత అనుకున్నారు.
కానీ మంచు మనోజ్ శరీరంపై తీవ్ర గాయాలున్నట్లు మెడికో లీగల్ రిపోర్టులో వెల్లడైంది. కడుపు, వెన్నెముక, ఎడమ కాలి పిక్క భాగంలో దెబ్బలు తగిలాయని, మెడపై గోళ్లతో రక్కిన ఆనవాళ్లున్నాయని తేలింది. మరి దీనిపై ఇంతవరకు మోహన్ బాబు కానీ విష్ణు కానీ స్పందించలేదు.
Read Also : TG Assembly : సీఎం రేవంత్ – అదానీ ఫొటోలతో టీషర్టులు.. కేటీఆర్ సహా బీఆర్ఎస్ ప్రజాప్రతినిధులు అరెస్ట్