Kaithi 2 : ఖైదీ 2లోనే రోలెక్స్ వరల్డ్‌ని రివీల్ చేస్తాను.. లోకేష్ కనగరాజ్

Kaithi 2 : కోలీవుడ్ నుంచి మూవీ లవర్స్ ముందుకు వచ్చిన క్రైమ్ యూనివర్స్ LCU. లోకేష్ కనగరాజ్ దర్శకత్వంలో రూపొందుతున్న ఈ సినిమా యూనివర్స్ నుంచి ఇప్పటివరకు.. ఖైదీ, విక్రమ్, లియో సినిమాలు వచ్చాయి. ఈ మూడు సినిమాలు ఎంతటి విజయం సాధించాయి ప్రత్యేకంగా చెప్పనవసరం లేదు. దీంతో ఆడియన్స్ అంతా ప్రస్తుతం ఈ యూనివర్స్ లో రాబోయే నెక్స్ట్ సినిమాలు కోసం ఎదురు చూస్తున్నారు. కాగా రాబోయే సినిమాలతో ఇప్పటివరకు పరిచయం చేసిన పాత్రల బ్యాక్ స్టోరీని లోకేష్ చూపించబోతున్నారు.

ఇక ఈ యూనివర్స్ నుంచి ముందుగా రాబోతున్న సినిమా ‘ఖైదీ 2’. కార్తీ హీరోగా తెరకెక్కిన ఖైదీ 1నే LCU యూనివర్స్ కి బీజం అయ్యింది. ఇప్పుడు ఆ బీజంతోనే ఇతర పాత్రల కథలను కూడా ఆడియన్స్ కి పరిచయం చేయబోతున్నారట. ఈక్రమంలోనే ఖైదీ 2లో సూర్య ‘రోలెక్స్’ పాత్రని, కమల్ హాసన్ ‘విక్రమ్’ పాత్రని చూపించబోతున్నారు. అయితే ఈ సీక్వెల్ లో కార్తీ ‘ఢిల్లీ’ పాత్ర బ్యాక్ స్టోరీతో పాటు రోలెక్స్ బ్యాక్ స్టోరీని కూడా చూపించబోతున్నారు. అంతేకాదు ఈ సీక్వెల్ లోనే రోలెక్స్ తో ఢిల్లీ, విక్రమ్ వార్ మొదలు కాబోతుందని లోకేష్ కనగరాజ్ చెప్పుకొచ్చారు.

ఇక ఈ విషయం తెలియడంతో LCU మూవీ లవర్స్ కి ఖైదీ 2పై మరింత క్యూరియాసిటీ పుట్టుకొచ్చింది. కాగా లోకేష్ కనగరాజ్ ప్రస్తుతం రజినీకాంత్ తో ‘కూలీ’ సినిమా చేస్తున్నారు. ఈ సినిమా పూర్తీ అయిన తరువాతే ఖైదీ 2ని మొదలు పెట్టబోతున్నారు. కార్తీ కూడా ప్రస్తుతం సర్దార్ 2 సినిమా షూటింగ్ లో బిజీగా ఉన్నారు. ఆ మూవీ షూటింగ్ కూడా ఇటీవలే మొదలయింది. కార్తీ ఫ్యాన్స్ కి అయితే బ్యాక్ టు బ్యాక్ సీక్వెల్స్ తో ట్రీట్ ఉండబోతుంది.