తాజాగా విడుదలైన ‘కుబేర’ (Kubera) సినిమా భారీ విజయాన్ని సొంతం చేసుకుంది. ప్రముఖ నటులు అక్కినేని నాగార్జున, ధనుష్, రష్మిక మందన్న ప్రధాన పాత్రల్లో నటించిన ఈ చిత్రం, ప్రేక్షకుల నుంచి విశేషంగా ఆదరణ పొందింది. మొదటి వారంలోనే మంచి కలెక్షన్లతో దూసుకెళ్లిన ఈ సినిమా, రెండో వారంలో బ్రేక్ ఈవెన్ సాధించి నిర్మాతలకు ఊరటనిచ్చింది. శేఖర్ కమ్ముల దర్శకత్వంలో రూపొందిన ఈ క్రైమ్ డ్రామా, అంచనాలను మించి వసూళ్లు సాధించి, క్లాస్ & మాస్ ప్రేక్షకులను సమానంగా ఆకట్టుకుంది.
Siddaramaiah: కొవిడ్ వ్యాక్సిన్లు.. గుండెపోటు వివాదం.. సిద్ధరామయ్య వ్యాఖ్యలపై బీజేపీ ఫైర్
ఈ చిత్రం కథా నేపథ్యం కొత్తదనంతో సాగుతూ, బిచ్చగాళ్లలో ఒకడిగా ఉన్న ధనుష్ (దేవా) పాత్రలో పంచ్ మరియు ప్లాట్ ట్విస్ట్‌లు ప్రేక్షకులను బాగా ఆకర్షించాయి. నాగార్జున (దీపక్) సీబీఐ ఆఫీసర్‌గా ధనుష్‌ను ఛేదించే విధానం కథలో ఉత్కంఠను పుట్టిస్తుంది. వేల కోట్ల రహస్యాలకు అధిపతి అయిన నీరజ్ పాత్రతో కథకు డెప్త్‌ రావడం, ప్రతి పాత్రకు ఒక బలమైన లక్షణం ఉండటంతో సినిమా ఆకర్షణగా మారింది. ఫీల్‌గుడ్ సినిమాల స్పెషలిస్ట్ అయిన శేఖర్ కమ్ముల ఈసారి తాను ట్రై చేసిన క్రైమ్ థ్రిల్లర్‌ జోనర్‌లో కూడా విజయం సాధించడం గమనార్హం.
తెలుగు రాష్ట్రాల్లో భారీ కలెక్షన్లు సాధించిన ‘కుబేర’, తమిళనాడులో కలిసిరాని లాభాలను తెలుగు మార్కెట్‌లో కవర్ చేసుకుంది. 16 రోజుల్లోనే బ్రేక్ ఈవెన్ సాధించి, ప్రస్తుతం రూ.4 కోట్లకుపైగా లాభాలు రావడం సినిమా విజయానికి నిదర్శనంగా నిలిచింది. ఈ వారాంతంలో కూడా పెద్దగా పోటీ లేకపోవడంతో ‘కుబేర’ మళ్లీ ఆడియన్స్ ఫస్ట్ ఛాయిస్‌గా మారింది.