Jr NTR for Brahmastra: ‘బ్రహ్మస్త్ర’ ప్రిరిలీజ్ కు ‘జూనియర్ ఎన్టీఆర్’ చీఫ్ గెస్ట్!

Ntr

ఎంతో ఆసక్తిగా ఎదురుచూస్తున్న చిత్రాల్లో బ్రహ్మాస్త్ర ఒకటి. బాలీవుడ్ ఈ మూవీపై భారీ ఆశలు పెట్టుకుంది. బ్రహ్మాస్త్ర నిర్మాతలు మరో క్రేజీ అప్డేట్ ను షేర్ చేశారు. ప్రీ-రిలీజ్ ఈవెంట్‌కు ముఖ్య అతిథిగా టాలీవుడ్ యంగ్ టైగర్ జూనియర్ ఎన్టీఆర్ హాజరు కానున్నట్లు ప్రకటించారు. సెప్టెంబర్ 2న రామోజీ ఫిల్మ్ సిటీలో సాయంత్రం 6 గంటల నుంచి ప్రీ రిలీజ్ ఈవెంట్‌ను నిర్వహించనున్నట్టు మేకర్స్ ప్రకటించారు.

ఈ వేడుకకు రణ్‌బీర్ కపూర్, అలీ భట్ హాజరు కానుండగా, సౌత్‌లో రాజమౌళి సినిమాను విడుదల చేస్తున్న సంగతి తెలిసిందే. ధర్మ ప్రొడక్షన్స్ ఇందుకు సంబంధించిన న్యూస్ ను ట్విటర్లో పోస్ట్ చేసింది. “మ్యాన్ ఆఫ్ మాస్ ఆఫ్ ఇండియన్ సినిమా, @tarak9999 సెప్టెంబర్ 2వ తేదీన హైదరాబాద్‌లో జరిగే బ్రహ్మాస్త్ర బిగ్గెస్ట్ ప్రీ-రిలీజ్ ఈవెంట్‌కు చీఫ్ గెస్ట్‌గా హాజరుకానున్నారు! #Brahmastra # బ్రహ్మాస్త్రానికి ఎన్టీఆర్.” అంటూ క్యాప్షన్ ఇచ్చారు. సెప్టెంబర్ 9న బ్రహ్మాస్త్ర థియేటర్లలో విడుదల కానుంది.