Pushpa2: పుష్పా2 లో శ్రీవల్లి చనిపోబోతుందా… ఊహించ‌ని ట్విస్ట్‌

New Web Story Copy 2023 05 20t191549.350

Pushpa2: సుకుమార్ దర్శకత్వంలో అల్లు అర్జున్, రష్మిక ప్రధాన పాత్రలో నటించిన చిత్రం పుష్ప ది రైజ్. పాన్ ఇండియా చిత్రంగా రిలీజ్ అయిన ఈ చిత్రం బాక్సాఫీస్ ని షేక్ చేసింది. ఎర్రచందం స్మగ్లింగ్ నేపథ్యంలో తెరకెక్కిన పుష్ప ప్రేక్షకుల్ని విపరీతంగా ఆకట్టుకుంది. పుష్పరాజ్ పాత్రలో బన్నీ నటన, గెటప్ ఎంతగానో ఆకట్టుకుంది. శ్రీవల్లి పాత్రలో రష్మిక అదరగొట్టింది. డీ గ్లామర్ పాత్రలో ఈ క్రేజీ స్టార్స్ సినిమాని ఎక్కడికో తీసుకెళ్లారు. 2021 డిసెంబర్ లో విడుదలైన అన్ని సెంటర్లలో పుష్ప మేనియా నడిచింది. పుష్ప భారీ విజయాన్ని అందుకోవడంతో మేకర్స్ పుష్పా2 పై ఫోకస్ చేశారు. పుష్పా2 చిత్రాన్ని ప్రతిష్టాత్మకంగా తీసుకున్న సుక్కు బన్నీ క్యారెక్టర్ విషయంలో తగ్గేదేలే అంటున్నాడు. ఇప్పటికే విడుదలైన పుష్ప2 పోస్టర్ ఆకట్టుకుంది. పట్టు చీర కట్టులో బన్నీ లుక్ అదుర్స్ అనిపించింది. ప్రస్తుతం ఈ సినిమా చిత్రీకరణ దశలో ఉండగా.. ఓ ఫోటో లీక్ అయి సోషల్ మీడియాలో హల్చల్ చేస్తుంది.

పుష్పా2 లో బన్నీ పాత్ర హైలెట్ అవ్వబోతున్నట్టు ఇప్పటికే విడుదలైన పోస్టర్ చూస్తే ఆర్డమవుతుంది. అయితే శ్రీవల్లి పాత్ర మాత్రం మధ్యలోనే క్లోస్ అవుతున్నట్టు వార్తలు గుప్పుమంటున్నాయి. ఈ సినిమాలో శ్రీవల్లి చనిపోతున్నట్టు, లీక్ అయిన ఫోటో చూస్తే అర్ధం అవుతుంది. ట్విట్టర్లో వైరల్ గా మారిన ఫొటోలో రష్మిక చనిపోయి ఉంది. దీంతో శ్రీవల్లి పాత్ర చనిపోబోతున్నట్టు చర్చ మొదలైంది. అయితే మేకర్స్ మాత్రం ఇప్పటివరకు స్పందించలేదు. కాగా.. ఆ ఫోటో పుష్ప సినిమాలోనిది కాదంటూ వార్తలు వస్తున్నాయి.

పుష్ప 2లో శ్రీవల్లి పాత్ర చనిపోతుందని గతంలో పుకార్లు వచ్చాయి మరియు ఈ పుకార్లకు తాజాగా లీక్ అయిన ఫోటో బలం చేకూరుస్తోంది. అయితే ఆ ఫొటోలో ఉన్నది రష్మిక మందన్న కాదని అంటున్నారు. వైరల్ అవుతున్న ఫోటో చిత్రం పుష్ప 2 చిత్రం లోనిది కాదని, మహేష్ మంజ్రేకర్ దర్శకత్వం వహించిన మరాఠీ చిత్రం ‘నయ్ వరంభట్ లోంచా కొంచా’.సినిమాలోని ఫోటోగా చెప్తున్నారు. అయితే దీనిపై మేకర్స్ క్లారిటీ ఇవ్వాల్సి ఉంది.

Read More: MS Dhoni: ధోని మరో ఐదేళ్లు ఆడుతాడు : ఫ్యాన్స్ ఖుషీ