Premalu: ప్రేమలు ఫ్యాన్స్ కు గుడ్ న్యూస్.. సీక్వెల్ వచ్చేస్తోంది

Good Films Make me Happy Nayanatara Commented after Premalu Movie

Premalu: నస్లెన్ కె.గఫూర్, మమితా బైజు జంటగా నటించిన రోమ్ కామ్ ఎంటర్ టైనర్ ప్రేమలు అన్ని వర్గాల ప్రేక్షకులను ఆకట్టుకుంది. అంతేకాదు.. భారీ కలెక్షన్లు నమోదు చేసింది. మలయాళంలో బిగ్గెస్ట్ బ్లాక్ బస్టర్స్ లో ఒకటిగా నిలిచిన ఈ సినిమా 135 కోట్లకు పైగా గ్రాస్ వసూలు చేసింది. తెలుగు వెర్షన్ 15 కోట్ల వసూళ్లతో అత్యధిక తెలుగు డబ్బింగ్ మలయాళ గ్రాసర్ గా రికార్డు సృష్టించింది. ప్రేమలు అభిమానులందరికీ ఇది సర్ప్రైజ్.

ఈ ఆహ్లాదకరమైన ఎంటర్ టైనర్ ప్రేమలు 2కు సీక్వెల్ ను మేకర్స్ ప్రకటించారు. మొదటి భాగానికి భిన్నంగా ఈ సీక్వెల్ ను తెలుగు, తమిళ, మలయాళ భాషల్లో ఒకేసారి విడుదల చేయనున్నారు. దర్శకుడు గిరీష్ ఏడీ, నటులు మమితా బైజు, నస్లెన్ కె గఫూర్ లతో కూడిన ప్రేమలు టీం ఈ రెండో భాగం కోసం మరోసారి ఒక్కటైంది. ప్రేమలు 2 2025లో థియేటర్లలోకి రానుండగా, తెలుగు వెర్షన్ ను ఎస్.ఎస్.కార్తికేయ సమర్పిస్తున్నారు.