ముంబై క్రైమ్ బ్రాంచ్ సోమవారం బాలీవుడ్ చిత్ర పరిశ్రమలో నడుస్తున్న సెక్స్ రాకెట్ను బట్టబయలు చేసింది. ముంబై క్రైమ్ బ్రాంచ్ ప్రకారం.. క్యాస్టింగ్ డైరెక్టర్, నటి ఆర్తి మిట్టల్ (Actress Aarti Mittal), సెక్స్ రాకెట్ (Sex Racket)ను నడుపుతున్నట్లు ఆరోపణలు వచ్చాయి. దీంతో పోలీసులు ఆర్తీని అదుపులోకి తీసుకుని విచారణ ప్రారంభించారు. క్రైమ్ బ్రాంచ్ బృందం గోరేగావ్లోని ఒక ప్రదేశం నుండి ఇద్దరు మోడల్లను కూడా రక్షించి పునరావాస కేంద్రానికి పంపింది. ఒక్కొక్కరికి రూ.15 వేలు ఇస్తామని ఆర్తి హామీ ఇచ్చిందని మోడల్స్ పోలీసులకు తెలిపారు. పోలీసులు డమ్మీ కస్టమర్లను హోటల్కు పంపారు. తద్వారా వారు రాకెట్ను బట్టబయలు చేశారు. నిందితురాలు ఆర్తి మిట్టల్ను అరెస్టు చేశారు.
పోలీసులు ఎలా ఛేదించారు..?
అధికారులు తెలిపిన వివరాల ప్రకారం.. ఈ రాకెట్ గురించి పోలీసు ఇన్స్పెక్టర్ మనోజ్ సుతార్కు సమాచారం అందింది. దీని తర్వాత అతను ఒక బృందాన్ని ఏర్పాటు చేసి ఒక కస్టమర్గా పరిచయం చేశాడు. ప్లానింగ్లో భాగంగా డమ్మీ కస్టమర్ మిట్టల్ను సంప్రదించి తన స్నేహితుల కోసం ఇద్దరు అమ్మాయిలను ఏర్పాటు చేయమని కోరాడు. ఈ పని కోసం మిట్టల్ 60 వేల రూపాయలు డిమాండ్ చేసింది. పక్కా ఆధారాలతో ఆమెను అరెస్టు చేసినట్లు పోలీసులు తెలిపారు.
Also Read: Delhi Airport: ఢిల్లీ విమానాశ్రయంలో ప్రయాణికుడి బీభత్సం.. బ్యాగ్ లో బాంబు ఉందంటూ హల్ చల్..!
ఆర్తి క్యాస్టింగ్ డైరెక్టర్గానే కాకుండా నటి కూడా. ఆమె ‘అప్నాపన్’ వంటి టెలివిజన్ షోలలో కూడా పనిచేసింది. కొంత కాలం క్రితం ఆర్తి ఆర్ మాధవన్తో కలిసి ఒక సినిమా తీస్తున్నట్లు సోషల్ మీడియాలో పోస్ట్ చేసింది. ప్రస్తుతం ఆర్తి పోలీసుల అదుపులో ఉంది. ఈ రాకెట్తో సంబంధం ఉన్న మరికొందరి కోసం కూడా పోలీసులు వెతకడం ప్రారంభించారు. మిట్టల్పై ఐపీసీ సెక్షన్ 370తో పాటు మహిళల అక్రమ రవాణాకు సంబంధించిన ఇతర సెక్షన్ల కింద పోలీసులు కేసు నమోదు చేశారు. నిందితురాలు ఆర్తి హరిశ్చంద్ర మిట్టల్ సినిమాలకు కాస్టింగ్ డైరెక్టర్గా పనిచేస్తున్నారని, ఓషివారాలోని ఆరాధనా అపార్ట్మెంట్లో నివసిస్తారని పోలీసులు తెలిపారు. ప్రాజెక్టుల పేరుతో మోడల్లను కలిసి వారికి డబ్బు ఆశ చూపి, వ్యభిచారంలోకి దింపుతున్నట్లు పోలీసులు వెల్లడించారు.