పవర్ స్టార్ పవన్ కళ్యాణ్ (Pawan Kalyan) సినిమాకు టాక్ తో సంబంధం లేకుండా బాక్స్ ఆఫీస్ వద్ద కలెక్షన్ల సునామి సృష్టిస్తుంది. పవన్ డిజాస్టర్ సినిమాలు సైతం రికార్డ్స్ బ్రేక్ చేసిన రోజులున్నాయి. కానీ బ్రో (BRO) విషయంలో ఎందుకో తేడా కొడుతుంది. సినిమాకు పాజిటివ్ టాక్ వచ్చింది..అభిమానులు కోరుకున్నట్లు పవన్ డాన్సులు , సెంటిమెంట్ , కామెడీ ఇలా అన్ని ఉన్నాయి. కానీ ఎందుకో బాక్స్ ఆఫీస్ వద్ద చెప్పుకోదగ్గ కలెక్షన్లు రావడం లేదు. ముఖ్యంగా నిన్న సోమవారం దారుణంగా పడిపోయాయి.
పవన్ కళ్యాణ్ ఫస్ట్ టైం తన మేనల్లుడు సాయి ధరమ్ తేజ్ (Sai Tej) తో కలిసి బ్రో మూవీ చేసాడు. తమిళంలో విడుదలైన ‘వినోదయ సిత్తం’ సినిమా కు రీమేక్ గా తెలుగులో పీపుల్ మీడియా ఫ్యాక్టరీ బ్యానర్‌పై టి.జి.విశ్వప్రసాద్‌, వివేక్‌ కూచిభొట్ల నిర్మించగా సముద్రఖని దర్శకత్వం వహించాడు.
కేతికశర్మ, ప్రియా ప్రకాష్‌ లు హీరోయిన్లు గా నటించగా , మాటల మాంత్రికుడు త్రివిక్రమ్ (Trivikram) స్క్రీన్ ప్లే , మాటలు అందించారు. భారీ అంచనాల మధ్య జులై 28 న ప్రేక్షకుల ముందుకు వచ్చింది. మొదటి షో తోనే సూపర్ హిట్ టాక్ సొంతం చేసుకుంది. సినిమాను చూసిన ప్రతి ఒక్కరు పవన్ కళ్యాణ్ అద్భుతం గా చేసాడని , సినిమాలో కామెడీ , ఎమోషన్ బాగా వర్క్ అయ్యాయని , థమన్ మ్యూజిక్ అదరగొట్టాడని ఇలా అంత పాజిటివ్ గా చెప్పుకొచ్చారు. ఈ టాక్ తో బాక్స్ ఆఫీస్ వద్ద పలు రికార్డ్స్ బ్రేక్ చేస్తుందని అంత భావించారు. కానీ లెక్కలు తప్పాయి. రోజు రోజుకు కలెక్షన్లు (BRO collections) బాగా డ్రాప్ అవుతున్నాయి.
ఫస్ట్ డే రూ. 30.05 కోట్లు నెట్ కలెక్షన్స్ రాగా.. రెండో రోజు రూ. 17.05 కోట్లు, మూడోవ రోజు రూ. 16.9 కోట్లు, ఇక నాల్గో రోజు (సోమవారం ) కేవలం రూ. 7 కోట్లు మాత్రమే వచ్చి షాక్ ఇచ్చింది. ఓవరాల్ గా బ్రో సినిమాకు 4 రోజుల్లో రూ. 71 కోట్ల ఇండియా నెట్ కలెక్షన్స్ వసూలు చేసినట్లు ట్రేడ్ వర్గాలు సమాచారం. మొదటి మూడు రోజులుగా గట్టిగానే వసూళ్లు చేసిన బ్రో..నాల్గో రోజు మాత్రం బాగా డ్రాప్ అయ్యాడు. రాబోయే రోజుల్లో ఇంకెంతగా డ్రాప్ అవుతాడో అని ఫ్యాన్స్ ఖంగారు పడుతున్నారు.
ఇక ప్రీ రిలీజ్ బిజినెస్ చూస్తే..తెలుగు రాష్ట్రాల్లో అన్ని ఏరియాలు కలుపుకుని రూ. 80.50 కోట్ల బిజినెస్ జరిగింది. ఇక, కర్నాకట ప్లస్ రెస్టాఫ్ ఇండియాలో రూ. 5 కోట్లు, ఓవర్సీస్‌లో రూ. 12 కోట్లతో కలిపి.. ప్రపంచ వ్యాప్తంగా రూ. 97.50 కోట్ల ప్రీ రిలీజ్ బిజినెస్ చేసుకుంది. మరి ప్రీ రిలీజ్ బిజినెస్ రేంజ్ లో వసూళ్లు చేస్తుందా లేదా అనేది చూడాలి.
Read Also : LPG Gas Cylinder: గ్యాస్ వినియోగదారులకు శుభవార్త.. రూ. 100 తగ్గిన సిలిండర్ ధర..!