Bigg Boss 8 : బిగ్‍బాస్ హౌస్‌లోకి చైతు, శోభిత.. నెటిజన్ల ఎదురుచూపులు

Bigg Boss 8 : బిగ్‍బాస్ తెలుగు 8వ సీజన్ సెప్టెంబర్ 1న మొదలైంది. ఈసారి షోలో ఒక్కరిద్దరు తప్ప మిగిలిన వారు ఎవ్వరూ ప్రజలకు పెద్దగా తెలియదు. దీంతో ఎవర్రా మీరంతా అంటూ నెటిజన్లు గగ్గోలు పెడుతున్నారు. బిగ్ బాస్ సీజన్ 8 కంటెస్టెంట్స్ గురించి పెద్దఎత్తున ట్రోలింగ్ జరుగుతోంది. ఈనేపథ్యంలో  బిగ్‍బాస్ హౌస్‌లోకి పలువురు వైల్డ్‌ కార్డ్‌ ఎంట్రీ ఇవ్వబోతున్నారు. ప్రత్యేక అతిథులు కూడా హాజరై సందడి చేయబోతున్నారని సోషల్‌ మీడియాలో ప్రచారం జరుగుతోంది. ఆ లిస్టులో నాగ చైతన్య, శోభితలు సైతం ఉన్నారని అంటున్నారు.  వారిద్దరికి ఇటీవలే వివాహ నిశ్చితార్థం జరిగింది. త్వరలో మ్యారేజ్ జరగబోతోంది. ఈనేపథ్యంలో వారిద్దరు కలిసి బిగ్ బాస్ హౌస్‌‌లోకి(Bigg Boss 8) అడుగుపెడితే రేటింగ్స్ ఒక్కసారిగా పెరుగుతాయనే అంచనాలు వెలువడుతున్నాయి.