Krrish 4 Announced: బాలీవుడ్ బిగ్ అప్ డేట్.. ‘క్రిష్-4’ కు రంగం సిద్ధం

Krish 4

హృతిక్ రోషన్ (Hrithik Roshan) నటించిన క్రిష్ మూవీకి ప్రపంచవ్యాప్తంగా ప్రత్యేక ఫ్యాన్ ఫాలోయింగ్ ఉంది. అప్పట్లో సంచలనం రేపిన ఈ మూవీకి పలు స్వీక్వెల్స్ రూపంలో సీరిస్ లు వచ్చాయి. అవీ కూడా హిట్ కావడంతో మరోసారి స్వీక్వెల్ గురించి చర్చ నడుస్తోంది.  ఈ సిరీస్ లో  వచ్చిన మూడు సినిమాలు సూపర్ హిట్ అయ్యాయి.  ఈ పరంపరలో మరో సినిమా రాబోతుంది. ప్రస్తుతం నాలుగో భాగం కథ సిద్ధమవుతున్నట్లు తెలుస్తోంది. రెండేళ్లుగా దీనికి సంబంధించిన పనులు జరుగుతూనే ఉన్నా.. ఓ కొలిక్కి రాలేదు. ఈ నేపథ్యంలో హృతిక్ రోషన్ (Hrithik Roshan) క్రిష్-4 గురించి బిగ్ అప్ డేట్ వచ్చింది.

క్రిష్ 4 (Krrish 4) ప్రకటన ఎప్పుడైనా వెలువడుతుంది? అని మీడియా రాకేష్ రోషన్‌ను అడిగినప్పుడు “అతి త్వరలో ఏదైనా జరగవచ్చు. ఈ మూవీ మరికొద్దిరోజుల్లో తెరకెక్కిన ఆశ్చర్యపోనక్కర్లేదు. అదే పనిలో ఉన్నాం” అని అన్నాడు. షారుఖ్ ఖాన్ నటించిన పఠాన్ (Pathaan) మూవీ బాలీవుడ్ కు ఊపిరిపోయడంతో పెద్ద పెద్ద భారీ ప్రాజెక్టులు మూవీలు లైన్లోకి వస్తున్నాయి. ఈ నేపథ్యంలో క్రిష్ 4 (Krrish 4) అధికారిక ప్రకటన త్వరలో వెలువడే అవకాశం ఉంది.

స్పేస్, టైమ్ ట్రావెల్ కథగా ఈ సినిమా రాబోతున్నట్లు సమాచారం. ముఖ్యంగా క్రిష్‌ తండ్రి రోహిత్‌ మెహ్రాను టైం ట్రావెల్‌ సహాయంతో వెనక్కి తీసుకురావడమే క్రిష్-4 (Krrish 4) కథ యెుక్క ప్రధానాంశంగా తెలుస్తోంది. ఇందులో ‘జాదు’కి కూడా కీలకపాత్ర ఉన్నట్లు సమాచారం. మరి క్రిష్-4 ప్రేక్షకుల ముందుకు ఎప్పుడు వస్తుందో వేచి చూడాలి. ప్రస్తుతం హృతిక్ రోషన్ పలు బాలీవుడ్ (Bollywood) ప్రాజెక్టుల్లో బిజీగా ఉన్నాడు.

Also Read: Salman and Pooja Hegde: పూజా హెగ్డే ఇంట్లో సల్మాన్ ఖాన్ సందడి.. ఫొటోలు వైరల్!