Pushpa 3: పుష్ప 3 రిలీజ్ అయ్యేది అప్పుడే.. బన్నీ కోసం రంగం లోకి బాలీవుడ్ స్టార్ హీరో?

Mixcollage 06 Mar 2024 08 54 Am 6039

ప్రస్తుతం తెలుగు సినిమా ఇండస్ట్రీలో ఎక్కువగా వినిపిస్తున్న పేర్లలో పుష్ప సినిమా పేరు కూడా ఒకటి. సుకుమార్ అల్లు అర్జున్ కాంబినేషన్లో విడుదలైన పుష్ప పార్ట్ 1 సినిమా ఎంతటి విజయాన్ని సాధించిందో మనందరికీ తెలిసిందే. ప్రస్తుతం పుష్ప 2 సినిమా షూటింగ్ జరుగుతోంది. త్వరలోనే ఈ సినిమా ప్రేక్షకుల ముందుకు రానుంది. అయితే పుష్ప 2 సినిమా ఇంకా విడుదల కాకముందే పుష్ప 3 కి సంబంధించి వార్తలు జోరుగా వినిపిస్తున్న విషయం తెలిసిందే. గత రెండు మూడు వారాలుగా ఈ సినిమాకు సంబంధించిన వార్తలు జోరుగా వినిపిస్తున్నాయి. కాగా మూడేళ్ల క్రితం వచ్చిన పుష్ప మూవీకి రెండో పార్ట్ గా ఈ మూవీ రాబోతుంది. ప్రస్తుతం ఇది చిత్రీకరణ దశలో ఉంది. ఇంకా షూటింగ్‌ కూడా పూర్తి కాలేదు.

కానీ ఈ సినిమాకి సంబంధించిన ఒక క్రేజ్‌ న్యూస్‌ మాత్రం సోషల్‌ మీడియాని ఊపేస్తుంది. పుష్ప 2 కి మరో సీక్వెల్‌ ఉంటుందనే ప్రచారం చాలా రోజులుగా జరుగుతుంది. ఆ మధ్య ఫిల్మ్ ఫెస్టివల్‌లోనూ అల్లు అర్జున్‌.. ఈ విషయాన్ని స్పష్టం చేశారు. పుష్ప 3 ఉండొచ్చు, ఇంకా చాలా పార్ట్ లు కూడా చేయవచ్చు అని అంటూనే మూడో పార్ట్ ఉంటుందని చెప్పకనే చెప్పారు. ఈ నేపథ్యంలో దీనికి సంబంధించిన ఇంట్రెస్టింగ్‌ న్యూస్‌ నెట్టింట చక్కర్లు కొడుతుంది.
లేటెస్ట్ సమాచారం ప్రకారం.. పుష్ప 3 కూడా ఉండబోతోందట. అల్లు అర్జున్‌, సుకుమార్‌ మూడో పార్ట్ తీయాలని ఫిక్స్ అయ్యారు. పుష్ప 2 కి సంబంధించిన కంటెంట్‌ చూసుకున్నాక, పార్ట్ 3 కచ్చితంగా అవసరం అని భావించారట. దీంతో పుష్ప 3 ని కూడా తెరకెక్కించాలని భావిస్తున్నారట.

అంతేకాదు ఔట్‌పుట్‌ చూసుకున్నాక ఈ మూవీని కచ్చితంగా ఆగస్ట్ 15కి విడుదల చేయాని నిర్ణయించుకున్నారట. డేట్‌ని మార్చేది లేదని ఫిక్స్ అయ్యారట. మరోవైపు ఆ మూవీ విడుదలైన వెంటనే షూటింగ్‌ చేయనున్నారట.పుష్ప తో పాటే మూడో పార్ట్ కి సంబంధించిన మేజర్‌పోర్షన్‌ సీన్లు చిత్రీకరిస్తారట. పుష్ప 2 రిలీజ్ అయ్యాక మూడో పార్ట్ కి సంబంధించిన మిగిలిన పార్ట్ ని షూట్‌ చేయాలని అనుకుంటున్నట్టు సమాచారం.వచ్చే ఏడాది సమ్మర్‌లో పుష్ప 3 రిలీజ్‌ చేయాలనుకుంటున్నారట. ప్రస్తుతం ఈ వార్త సోషల్‌ మీడియాలో వైరల్‌ అవుతోంది.ఈ మూవీకి సంబంధించిన నెక్ట్స్ షెడ్యూల్‌ మార్చి 8నుంచి ప్రారంభం కాబోతుంది. వైజాగ్‌లో చిత్రీకరిస్తారట. ఇందులో అల్లు అర్జున్‌ కూడా పాల్గొంటారని తెలుస్తుంది. ఇదిలా ఉంటే ఈ మూవీలో మరో బిగ్‌ స్టార్‌ యాడ్‌ కాబోతున్నారు. బాలీవుడ్‌ స్టార్‌ సంజయ్‌ దత్‌ కీలక పాత్రలో కనిపించబోతున్నట్టు తెలుస్తుంది. డాన్‌ పాత్రలో పుష్ప 2 లోనే ఆయన పాత్ర ఉంటుందని తెలుస్తోంది.