Kannappa : కన్నప్ప నాలుగు రోజుల షూటింగ్‌కి అక్షయ్ అన్ని కోట్లు తీసుకున్నాడా..? ఈ లెక్కలో ప్రభాస్..!

Akshay Kumar Charge Huge Remuneration For Manchu Vishnu Kannappa Movie

Kannappa : శివుడు మహాభక్తుడైన కన్నప్ప కథతో టాలీవుడ్ లో తెరకెక్కుతున్న భారీ బడ్జెట్ చిత్రం ‘కన్నప్ప’. బాలీవుడ్ దర్శకుడు ముఖేష్ కుమార్ సింగ్ డైరెక్ట్ చేస్తున్న ఈ సినిమాలో టైటిల్ రోల్ ని మంచు విష్ణు పోషిస్తున్నారు. మోహన్ బాబు నిర్మిస్తున్న ఈ చిత్రంలో భారీ స్టార్ కాస్ట్ కనిపించబోతుంది. ప్రీతి ముఖుంధన్ హీరోయిన్ గా నటిస్తుండగా.. మోహన్ బాబు, అక్షయ్ కుమార్, ప్రభాస్, మోహన్ లాల్, శరత్ కుమార్, నయనతార, మధుబాల, బ్రహ్మానందం వంటి స్టార్ కాస్ట్ ఈ మూవీలో కనిపించబోతుంది.

అక్షయ్ కుమార్, మోహన్ లాల్, శరత్ కుమార్ ఇప్పటికే ఈ మూవీ సెట్స్ లోకి ఎంట్రీ ఇచ్చి.. తమ పాత్రలకు సంబంధించిన షూటింగ్ ని పూర్తి చేసారు. ఇక ఈ నటులు ఈ సినిమాలో నటించేందుకు భారీ పారితోషకాన్ని అందుకున్నారట. వీరిలో బాలీవుడ్ నటుడు అక్షయ్ కుమార్ భారీ మొత్తంలో తీసుకున్నట్లు చెబుతున్నారు. ఈ సినిమా కోసం అక్షయ్ కుమార్ నాలుగు రోజుల కాల్ షీట్స్ ఇచ్చారట. ఇక ఈ నాలుగు రోజుల షూటింగ్ కోసం అక్షయ్ దాదాపు రూ.6 కోట్ల రెమ్యూనరేషన్ తీసుకున్నారట.

కేవలం నాలుగు రోజుల షూటింగ్ కోసం అక్షయ్ కుమార్ ఇన్ని కోట్లు ఛార్జ్ చేయడం అందర్నీ ఆశ్చర్యపరుస్తుంది. అయితే ఈ పారితోషకం వార్త విన్న కొందరు నెటిజెన్స్.. “అక్షయ్ కుమారే ఈ రేంజ్ లో రెమ్యూనరేషన్ తీసుకుంటే, ఇక ప్రభాస్ ఎంత రెమ్యూనరేషన్ తీసుకుంటున్నాడో..?” అంటూ సందేహాలు వ్యక్తం చేస్తున్నారు. కాగా ప్రభాస్ కూడా రీసెంట్ గానే ఈ సినిమా సెట్స్ లోకి ఎంట్రీ ఇచ్చారు. ఆ విషయాన్ని తెలియజేస్తూ మంచు విష్ణు ఒక ప్రీ లుక్ పోస్టర్ ని కూడా రిలీజ్ చేసారు.

ఈ సినిమాలో ప్రభాస్ శివుడిగా కనిపించబోతున్నారని టాక్ వినిపిస్తుంది. కాగా ఈ కథతో గతంలో ప్రభాస్ పెదనాన్న కృష్ణంరాజు ‘భక్త కన్నప్ప’ అనే సినిమా చేసారు. ఆ మూవీ టాలీవుడ్ హిస్టరీలోనే ఒక క్లాసిక్ గా నిలిచిపోయింది. ఇప్పుడు ఆ కథతో మంచు విష్ణు సినిమా చేస్తుంటే.. ప్రభాస్ గెస్ట్ రోల్ చేస్తున్నారు.