Adipurush Vs Hanu-Man: ఆదిపురుష్ వరస్ట్, హను-మాన్ బెస్ట్.. మళ్లీ రెచ్చిపోయిన నెటిజన్స్!
యంగ్ హీరో తేజ సజ్జా, క్రియేటివ్ డైరెక్టర్ ప్రశాంత్ వర్మ కాంబినేషన్‌లో తెరకెక్కిన 'హనుమాన్' టీజర్ అందరినీ ఆశ్చర్యానికి గురి చేసింది.
- Written By: Balu J
- Updated On - November 22, 2022 / 01:15 PM IST
యంగ్ హీరో తేజ సజ్జా, క్రియేటివ్ డైరెక్టర్ ప్రశాంత్ వర్మ కాంబినేషన్‌లో తెరకెక్కిన ‘హనుమాన్’ టీజర్ విడుదలై అందరినీ ఆశ్చర్యానికి గురి చేసింది. ఆసక్తికరమైన కథ విజువల్స్ అందరినీ ఆశ్చర్యపరిచాయి. అందరికీ తెలిసినట్లుగా ‘హను-మాన్’ దాదాపు 25 కోట్ల బడ్జెట్‌తో మాత్రమే తెరకెక్కుతోంది. టీజర్ లో హీరో లుక్స్, విజువల్ ఫీస్ట్ చూసి సినీ ప్రేమికులు ఆశ్చర్యపోతున్నారు. దీంతో అందరి దృష్టి ‘ఆదిపురుష’ టీజర్ పై పడింది
500 కోట్లకు పైగా భారీ బడ్జెట్‌తో పాన్-ఇండియన్ సినిమా రూపొందుతోందని, ‘ఆదిపురుష’ టీజర్ అందరినీ నిరాశపరిచిందని నెటిజన్స్ పేర్కొన్నారు. గ్రాఫిక్స్ ఘోరంగా ఉన్నాయని, కార్టూన్ షో లాగా ఉందని విమర్శించారు. ‘హను-మాన్’ టీజర్‌ను చూపిస్తూ, చాలా మంది నెటిజన్లు ‘ఆదిపురుష్’ని మరోసారి ట్రోల్ చేస్తున్నారు. చాలా తక్కువ బడ్జెట్‌తో ప్యాషనేట్ ఫిల్మ్‌మేకర్ తన బెస్ట్‌ను ఇచ్చాడని అప్రిషియేట్ చేస్తున్నారు.
చాలా మంది ఈ రెండు విజువల్స్‌ను పోల్చి చూస్తున్నారు. ప్రశాంత్ వర్మ కంటే ఎక్కువ సోర్స్ ఉన్నప్పటికీ మంచి అవుట్‌పుట్ రాబట్టడంలో దర్శకుడు ఓం రౌత్ విఫలమయ్యారని విమర్శిస్తున్నారు. వందల కోట్లు చేతిలో లేకపోయినా ఏం సాధించవచ్చో ‘హను-మాన్’ పర్ఫెక్ట్ గా ఉందని అంటున్నారు జనాలు. ఈ నేపథ్యంలో ఆదిపురుష్, హనుమాన్ టీజర్స్ ను మళ్లీ మళ్లీ చూస్తున్నారు ప్రేక్షకులు.
