Tollywood: సెక్స్ ఎడ్యుకేషన్‌పై సినిమా.. రకుల్ ప్రయోగం ఫలిస్తుందా?

Tollywood

Tollywood: టాలీవుడ్ హీరోయిన్ రకుల్ ప్రీత్ సింగ్ కు ప్రేక్షకుల్లో ఉన్న స్టార్ డమ్ గురించి ప్రత్యేకంగా చెప్పాల్సిన పనిలేదు. రామ్ చరణ్​, మహేష్ బాబు, జూనియర్ ఎన్టీఆర్ లాంటి స్టార్ హీరోల సరసన నటించి తెలుగులో ఓ రేంజ్ లో సత్తా చాటింది రకుల్. అయితే కొన్నాళ్లుగా సరైన ఆఫర్లు లేకపోవడంతో బాలీవుడ్ కు వలస వెళ్లిందీ భామ. అక్కడ కూడా రకుల్ కు అంతగా కలసిరావడం లేదు. సిద్ధార్థ్ మల్హోత్రాతో కలసి నటించిన ‘థ్యాంక్యూ’ సినిమా గతేడాది రిలీజై యావరేజీగా నిలిచింది.

ఎలాగైన ఉత్తరాదిన స్టార్ గా వెలిగిపోవాలని భావిస్తున్న రకుల్ ప్రీత్ సింగ్ మరోసారి తన అదృష్టాన్ని పరీక్షించుకునేందుకు ప్రయత్నిస్తోంది. ఆమె నటించిన ‘ఛత్రివాలి’ చిత్రం ‘ నెల 20న విడుదల కానుంది. అయితే థియేటర్లలో కాకుండా నేరుగా జీ5 ఓటీటీలో ఈ మూవీ రిలీజ్ కానుంది. పెద్ద తెరపై విజయాలు లేక వెలవెలపోతున్న రకుల్ చిన్నతెరపై అయినా హిట్ కొట్టాలని ఎదురు చూస్తోంది.

విభిన్నమైన కథాంశంతో వస్తున్న బ్యూటీ
సెక్స్ ఎడ్యుకేషన్ లాంటి ఆసక్తికరమైన కథాంశంతో ‘ఛత్రివాలి’ సినిమా తెరకెక్కింది. సమాజం ఈ తరహా విద్యపై బాగా దృష్టి పెట్టాలని, జీవితంలో శృంగారం ఎంతో ముఖ్యమైందనే అంశాన్ని వివరించే అమ్మాయి పాత్రలో రకుల్ ప్రీత్ యాక్ట్ చేశారు. ఇటీవల విడుదలైన ఈ మూవీ ట్రైలర్ అందర్నీ ఆకట్టుకుంది. రకుల్ కొత్తగా ఉందని, ఆమె హావభావాలు బాగున్నాయని ప్రశంసలు వచ్చాయి.

‘ఛత్రివాలి’ ఓటీటీతో హిందీ నాట రకుల్ దశ తిరగకపోయినా.. ప్రేక్షకుల్లో మంచి పేరు దక్కుతుందేమోననేది ఆమె ఆశగా కనిపిస్తోంది. నటిగా తన సత్తా ఏంటో ఈ మూవీతో అందరికీ తెలుస్తుందని ఆమె భావిస్తోంది. మరి, ‘ఛత్రివాలి’పై రకుల్ పెట్టుకున్న ఆశలు నెరవేరుతాయేమో చూడాలి.