Bollywood Singles: పెళ్లి వద్దు.. సహజీవనమే ‘ముద్దు’ అంటున్న బాలీవుడ్ స్టార్స్!

ఇతర దేశాలతో పోల్చితే భారతీయ సాంప్రదాయాలు, కట్టుబాట్లు చాలా పవిత్రమైనవి. ఓ మనిషికి 30 ఏళ్లు పడగానే ‘పెళ్లి ఎప్పుడు’ అనే ప్రశ్న మొదలవుతుంది. డబ్బుకు డబ్బు, పేరుకు పేరు ఉన్నప్పటికీ ప్రముఖ బాలీవుడ్ స్టార్స్ బ్యాచిలర్ లైఫ్ కే మొగ్గు చూపారు. 60 పదుల దాటుతున్నా పెళ్లి మాటే ఎత్తడం లేదు. బాలీవుడ్ వైవివాహిక జీవితానికి దూరంగా స్టార్స్ వీళ్లే.

సల్మాన్ ఖాన్

‘బాలీవుడ్‌ భాయిజాన్’ అయిన సల్మాన్ ఖాన్ దేశంలోని మోస్ట్ ఎలిజిబుల్ బ్యాచిలర్స్ లో ఒకరు. ఈ సూపర్‌స్టార్‌కు ప్రపంచవ్యాప్తంగా విపరీతమైన ఫ్యాన్ ఫాలోయింగ్ ఉంది. సల్మాన్ పలువురి బాలీవుడ్ హీరోయిన్స్ తో ప్రేమాయాణం కొనసాగించినప్పటికీ ఏ ఒక్కరిని పెళ్లిని చేసుకోలేదు. ఆయన ఇష్టపడిన జాబితాలో ఐశ్వర్యారాయ్ కూడా ఉంది. అయినా ఈ కండల వీరుడు పెళ్లికి మాత్రం దూరంగా ఉన్నాడు. తనకు పెళ్లి చేసుకోవాలన్నా, ఒకరితో కలిసి ఉండాలన్నా ఆసక్తి లేదని సల్మాన్ వెల్లడించాడు. ఒంటరిగా ఉండటాన్ని ఇష్టపడుతున్నాడు.

టబు

బాలీవుడ్‌లోని అత్యంత ప్రతిభావంతులైన అందమైన నటీమణులలో టబు ఒకరు. అందానికి అందం, నటనకు నటన ఈ బ్యూటీ సొంతం. ఈ హీరోయిన్ మనసు పడితే చాలు ఎవరైనా క్యూ కట్టాల్సిందే. అయినా సరే బ్యాచిలర్ లైఫ్ కు మొగ్గు చూపింది టబు. తప్పుడు భాగస్వామితో కాపురం చేసేకన్నా ఒంటరిగా ఉండటానికే ఆమె మొగ్గు చూపింది. టబు గతంలో సంజయ్ కపూర్, సాజిద్ నదియాద్వాలా, అక్కినేని నాగార్జునతో సహా కొంతమంది ప్రముఖులతో డేటింగ్ చేసింది. అయినా పెళ్లికి దూరంగా ఉంది.

అమీషా పటేల్

2000లో హృతిక్ రోషన్ సరసన ‘కహో నా ప్యార్ హై’తో అమీషా పటేల్ తొలిసారిగా నటించింది. అప్పట్లో ఈ బ్యూటీకి ఫుల్ ఫ్యాన్ ఫాలోయింగ్ ఉంది. అయినా చాలా కాలంగా సినిమాలకు దూరంగా వ్యక్తిగత జీవితాన్ని ఎంజాయ్ చేస్తోంది. సినిమాలు చేయకపోయినప్పటికీ సోషల్ మీడియాలో అభిమానులతో టచ్ లోకి వెళ్తూ ఫిదా చేస్తోంది. తాను ఒంటరిగా ఉన్నానని, ఒంటరిగా ఉండటం సంతోషంగా ఉందని క్లారిటీ ఇచ్చింది

అక్షయ్ ఖన్నా

కెరీర్ తొలినాళ్లలో బాలీవుడ్ హీరో అక్షయ్ ఖన్నాకు అద్భుతమైన ఫాలోయింగ్ ఉంది. తన అబ్బురపరిచే నటనతో అభిమానులను ఆశ్చర్యపర్చేవాడు. తాను మ్యారేజ్ మెటీరియల్ కాదని భావిస్తున్నానని, అందుకే ఇప్పటికీ ఒంటరిగానే ఉన్నానని అక్షయ్ వెల్లడించాడు. వివాహం ప్రతిదీ మారుస్తుందని అతను నమ్ముతాడు. ఒకరి నియంత్రణలోకి వెళ్తామని, చివరకు పెళ్లి చేసుకుంటే ఉక్కిరిబిక్కిరి అవుతుందని కూడా చెప్పాడు.

ఆశా పరేఖ్

1980-90 కాలంలో ఆశా పరేఖ్ తన నటనతో, అందంతో బాలీవుడ్ ను ఓ ఊపు ఉపేసింది. ఈ వైవిధ్యమైన నటికి ప్రపంచవ్యాప్తంగా అభిమానులు ఉన్నప్పటికీ పెళ్లికి దూరంగానే ఉంది. తాను వివాహం చేసుకోవాలని మరియు పిల్లలను కలిగి ఉండటాన్ని ఇష్టపడతానని ఓసందర్భంలో చెప్పినప్పటికీ వైవాహిక జీవితానికి దూరంగానే ఉండిపోయింది.

సాధారణంగా ఫిల్మ్ ఇండస్ట్రీలో రెండు, మూడు పెళ్లిళ్లు చేసుకున్న హీరో హీరోయిన్స్ ఉన్నారు. కానీ బాలీవుడ్ స్టార్స్ మాత్రం వ్యక్తిగత లైఫ్ కు ఆసక్తి చూపుతున్నారు. సుస్మితా సేన్, రేఖా లాంటి హీరోయిన్స్ కూడా వైవాహిక జీవితానికి దూరంగా ఉన్నారు.

Also Read: Gangula Kamalakar: దశాబ్ది ఉత్సవాల్లో అపశృతి, మంత్రి గంగులకు తప్పిన పడవ ప్రమాదం!