UPI Lite Users: నవంబర్ 1, 2024 నుండి యూపీఐ లైట్ వినియోగదారులకు (UPI Lite Users) పెద్ద మార్పులు జరగనున్నాయి. దీని కారణంగా చిన్న చెల్లింపులు మరింత సులభతరం అవుతాయి. రిజర్వ్ బ్యాంక్ ఆఫ్ ఇండియా (RBI) UPI లైట్ ప్లాట్‌ఫారమ్‌లో లావాదేవీల పరిమితిని పెంచుతుందని, ఆటో టాప్-అప్ ఫీచర్‌ను జోడిస్తుందని ప్రకటించింది. ఈ కొత్త ఫీచర్లు UPI లైట్ వినియోగదారులకు మరింత సౌలభ్యంతో, అంతరాయం లేకుండా చెల్లింపులు చేసే అవకాశాన్ని కల్పిస్తాయి.
గూగుల్ పే, ఫోన్ పే, పేటీఎం ద్వారా UPI చెల్లింపులు చేసే వారికి శుభ‌వార్త. NPCI నవంబర్ 1, 2024 నుండి UPI లైట్‌లో రెండు ముఖ్యమైన మార్పులను చేయబోతోంది. ఇది వినియోగదారులకు ప్రయోజనం చేకూరుస్తుంది. నవంబర్ 1 నుండి వినియోగదారులు మునుపటి కంటే UPI లైట్ ద్వారా ఎక్కువ చెల్లింపులు చేయగలుగుతారు. UPI లైట్ లావాదేవీ పరిమితిని RBI పెంచింది. అదే సమయంలో UPI లైట్ బ్యాలెన్స్ నిర్దిష్ట పరిమితి కంటే తక్కువగా ఉంటే వినియోగదారు ఖాతా ఆటోమేటిక్‌గా ఆటోమేటిక్‌గా టాప్-అప్ అవుతుంది. దీంతో యూపీఐ లైట్ ద్వారా ఎలాంటి పరిమితి లేకుండా చెల్లింపులు చేయవచ్చు.
Also Read: IPL Retention: రాహుల్ నుండి రిషబ్ పంత్ వరకు.. జ‌ట్లు విడుదల చేసే స్టార్ ఆట‌గాళ్లు వీరేనా?
మార్పులు ఎలా ఉంటాయి?
లావాదేవీ పరిమితి పెరుగుతుంది: ఇప్పుడు UPI లైట్‌లో వన్-టైమ్ లావాదేవీ పరిమితి రూ.500 నుండి రూ.1,000కి పెంచబడుతుంది. ఇది కాకుండా వాలెట్ బ్యాలెన్స్ పరిమితిని రూ. 2,000 నుండి రూ. 5,000 కు పెంచారు. తద్వారా వినియోగదారులు ఇప్పుడు అధిక బ్యాలెన్స్‌ను నిర్వహించే సదుపాయాన్ని కలిగి ఉంటారు.
ఆటో టాప్-అప్ ఫీచర్: కొత్త ఆటో టాప్-అప్ ఫీచర్ నవంబర్ 1 నుండి అమలులోకి వస్తుంది. UPI లైట్ వాలెట్ బ్యాలెన్స్ నిర్దిష్ట పరిమితి కంటే తక్కువగా ఉన్నప్పుడు ఈ ఫీచర్ లింక్ చేయబడిన బ్యాంక్ ఖాతా నుండి దాని స్వంత వాలెట్‌ను రీఛార్జ్ చేస్తుంది. దీనితో వినియోగదారులకు మాన్యువల్ రీఛార్జ్ అవసరం ఉండ‌దు. వారి చెల్లింపులు అంతరాయం లేకుండా కొనసాగుతాయి.
UPI లైట్ ఉద్దేశ్యం
UPI లైట్ అనేది డిజిటల్ వాలెట్. ఇది UPI PIN లేకుండా చిన్న లావాదేవీలు చేయడానికి వినియోగదారులను అనుమతిస్తుంది. ఈ ఆటో-టాప్-అప్ ఫీచర్ పరిచయంతోమ‌నేషనల్ పేమెంట్స్ కార్పొరేషన్ ఆఫ్ ఇండియా (NPCI) UPI లైట్ వినియోగదారుల అనుభవాన్ని మరింత సులభతరం చేయడానికి ప్రయత్నిస్తోంది.