IRCTC: ప్రయాణికుల సౌకర్యార్థం ఐఆర్సీటీసీ సరికొత్త ‘ఈ-ప్యాంట్రీ’ సేవలను ప్రారంభించింది. ప్యాంట్రీ కార్లు లేని లేదా టికెట్తో పాటు భోజన సదుపాయం లేని 25 మేల్, ఎక్స్ప్రెస్ రైళ్ల కోసం ప్రత్యేకంగా ఈ సదుపాయాన్ని అందుబాటులోకి తెచ్చారు.
ఈ-ప్యాంట్రీ అనేది ఐఆర్సీటీసీ చేపట్టిన ఒక డిజిటల్ చొరవ. దీని ద్వారా ప్రయాణికులు తమ సీటు వద్దే కూర్చుని వెజ్/నాన్-వెజ్ థాలీ వంటి స్టాండర్డ్ మీల్స్, ‘రైల్ నీర్’ వాటర్ బాటిళ్లను బుక్ చేసుకోవచ్చు. భోజనం బుక్ చేసినప్పుడు మీకు ఒక మీల్ వెరిఫికేషన్ కోడ్ (MVC) వస్తుంది. డెలివరీ సమయంలో దీనిని వెండర్కు చూపించాల్సి ఉంటుంది. ఒకవేళ ఏదైనా కారణం వల్ల భోజనం అందకపోతే, ప్రయాణికులు రీఫండ్ కోసం క్లెయిమ్ చేసే అవకాశం కూడా ఉంది.
Also Read: అర్జున్ టెండూల్కర్ పెళ్లికి ప్రధాని మోదీ?!
ఈ సేవలు అందుబాటులో ఉన్న ప్రధాన రైళ్లు
మొదట దేశంలోనే అతి పొడవైన రైలు మార్గం అయిన వివేక్ ఎక్స్ప్రెస్లో దీనిని ప్రయోగాత్మకంగా పరిశీలించారు. ప్రస్తుతం ఇది 25 రైళ్లలో అందుబాటులో ఉంది. వాటిలో కొన్ని ముఖ్యమైనవి
- స్వతంత్ర సేనాని ఎక్స్ప్రెస్
- స్వర్ణ జయంతి ఎక్స్ప్రెస్
- కర్ణాటక సంపర్క్ క్రాంతి
- మంగళదీప్ ఎక్స్ప్రెస్
- కళింగ ఉత్కల్ ఎక్స్ప్రెస్
- పుష్పక్ ఎక్స్ప్రెస్
- పశ్చిమ ఎక్స్ప్రెస్.. మొదలైనవి.
ఆన్లైన్లో భోజనం బుక్ చేసుకోవడం ఎలా?
మీరు ఐఆర్సీటీసీ వెబ్సైట్ లేదా ‘Food on Track’ యాప్ ద్వారా సులభంగా భోజనాన్ని ఆర్డర్ చేయవచ్చు.
PNR నంబర్ ఇవ్వండి: ఐఆర్సీటీసీ ఇ-క్యాటరింగ్ వెబ్సైట్ లేదా యాప్లో మీ 10 అంకెల PNR నంబర్ను నమోదు చేయండి.
స్టేషన్ను ఎంచుకోండి: ప్రయాణ మార్గంలో భోజనం అందుబాటులో ఉన్న స్టేషన్ల జాబితా కనిపిస్తుంది. మీకు నచ్చిన స్టేషన్ను ఎంచుకోండి.
మెనూ- రెస్టారెంట్: హల్దీరామ్, డొమినోస్ వంటి ప్రముఖ సంస్థలు లేదా స్థానిక వెండర్ల మెనూ నుండి మీకు నచ్చిన ఆహారాన్ని ఎంచుకోండి.
ఆర్డర్ ధృవీకరించండి: మీ మొబైల్ నంబర్, సీటు నంబర్ను కన్ఫర్మ్ చేయండి.
చెల్లింపు: మీరు ఆన్లైన్ (UPI, కార్డ్) ద్వారా లేదా క్యాష్ ఆన్ డెలివరీ (COD) ద్వారా డబ్బులు చెల్లించవచ్చు.
భోజనం అందుకోండి: రైలు సదరు స్టేషన్కు చేరుకోగానే వెండర్ మీ సీటు వద్దకే భోజనాన్ని తీసుకువస్తారు. అప్పుడు మీకు వచ్చిన MVC కోడ్ను వారికి చూపించి భోజనం తీసుకోవచ్చు.