బంగారం ధరలు (Gold Price) నిన్నటితో పోలిస్తే స్వల్పంగా పెరిగినా, ఇది ఒక పెద్ద పెరుగుదల ధోరణిలో భాగమని స్పష్టమవుతోంది. ప్రస్తుతం 24 క్యారెట్ల 10 గ్రాముల బంగారం ధర రూ. 1,17,520, 22 క్యారెట్ల 10 గ్రాముల ధర రూ.1,05,210 వద్ద ఉంది. కేజీ వెండి కూడా రూ.1,39,500 వద్ద స్థిరంగా ఉండటం గమనార్హం. ఈ సంఖ్యలు చూస్తే పసిడి ధర ఏ స్థాయికి చేరిందో అర్థమవుతుంది. సాధారణంగా పండుగల సీజన్‌లో బంగారం కొనుగోలు పెరగడం సహజం అయినా, ఈ సారి ధరల పెరుగుదలతో కొనుగోలు దారులలో సందేహాలు ఎక్కువయ్యాయి.
Jr NTR : కనీసం నిల్చులేకపోతున్న ఎన్టీఆర్..గాయం పెద్దదే !!
పసిడి ధరలు ఈ స్థాయిలో పెరగడానికి అంతర్జాతీయ ఆర్థిక పరిస్థితులే ప్రధాన కారణం . ముఖ్యంగా డాలర్ విలువ తగ్గడం, స్టాక్ మార్కెట్లలో అనిశ్చితి, వడ్డీ రేట్ల ఊహాగానాలు ఇలా అన్ని బంగారం ధరలకు ఇంధనంగా మారాయి. అమెరికా అధ్యక్షుడు ట్రంప్ పదవి చేపట్టినప్పటి నుంచి బంగారం ధరలు క్రమంగా పెరుగుతూ వచ్చాయి. గత సంవత్సరం కాలంలోనే పసిడి ధర దాదాపు 45% వరకు పెరిగిందని విశ్లేషకులు చెబుతున్నారు. పెట్టుబడిదారులు స్టాక్ మార్కెట్, క్రిప్టో వంటి అధిక రిస్క్ సాధనాల నుంచి దూరమై, సురక్షితమైన పెట్టుబడిగా బంగారాన్ని ఆశ్రయించడం కూడా ఈ పెరుగుదలకు ప్రధాన కారణం.
ధరలు పెరుగుతుండటంతో, సాధారణంగా పండుగల సీజన్‌లో కనిపించే బంగారం కొనుగోలు ఉత్సాహం తగ్గింది. నగల దుకాణాలు ఈ పరిస్థితిని ఆవేదనతో గమనిస్తున్నాయి. ఒకప్పుడు ప్రతి కుటుంబం సులభంగా కొనుగోలు చేసిన పసిడి ఆభరణాలు ఇప్పుడు సామాన్యులకు అందని ద్రవ్యంగా మారుతున్నాయి. పెట్టుబడిగా బంగారం మరింత బలపడుతున్నప్పటికీ, ఇది వినియోగం విషయంలో మధ్యతరగతిని దూరం చేస్తోంది. ఈ ధోరణి కొనసాగితే, బంగారం కేవలం ఆభరణం కాదు గ్లోబల్ ఆర్థిక అనిశ్చితిలో ఒక ముఖ్య పెట్టుబడి సాధనంగా మాత్రమే మిగిలిపోతుంది.