Gold price : బంగారం, వెండి ధరల్లో మళ్లీ ఊహించని మార్పు కనిపించింది. ఇటీవల కాస్త స్థిరంగానే ట్రేడ్ అవగా.. ఇప్పుడు ఒక్కరోజులోనే పరిస్థితి తారు మారు అయింది. ఆల్ టైమ్ గరిష్ఠ స్థాయిలకు చేరుకున్నాయి. దేశీయంగా, అంతర్జాతీయంగా కూడా ధరలు ఇదే స్థాయిలో పెరిగాయి.
భారతీయులకు బంగారం అంటే ఎంత ఇష్టం ఉంటుందో వేరే చెప్పాల్సిన పని లేదు. ఎక్కువగా మహిళలే.. పండగలు, శుభకార్యాలు, ఇతర వేడుకల వేళ బంగారు ఆభరణాలను ధరించాలని చూస్తుంటారు. ఈ అభరణాలు మహిళల అందాన్ని మరింత పెంచుతాయని చెప్పొచ్చు. ఇంకా ఇది కేవలం ఆభరణం మాత్రమే కాదు. సమాజంలో హోదాను కూడా ప్రతిబింబిస్తుంది. అందుకే ఎక్కువగా మహిళలు ధరించి ముఖ్యమైన సందర్భాలలో గోల్డ్ జ్యువెలరీ ధరించేందుకు ఇష్ట పడుతుంటారు.
ఆడపిల్లకు పెళ్లి చేసి అత్తారింటికి పంపించే ముందు కూడా.. అమ్మాయి తల్లిదండ్రులు ఎంతో కొంత బంగారం చేసి పంపిస్తుంటారు. ఇది భారతదేశంలో సంప్రదాయంగా వస్తుంది. బంగారానికి ఇటీవల సురక్షిత పెట్టుబడి సాధనంగా డిమాండ్ విపరీతంగా పెరిగింది. అంతర్జాతీయంగా అనిశ్చితి కారణంగా బంగారంపై చాలా మంది విపరీతంగా పెట్టుబడులు పెట్టడంతో రేటు కూడా అదే స్థాయిలో పెరుగుతూ వెళ్లింది.
ఈ ఏడాదిలోనే ఇప్పటివరకు బంగారం ధర.. 70 శాతం వరకు పెరగడం ఆందోళన కలిగిస్తుంది. ఇంకా పెరుగుతూనే ఉంది. ఇప్పుడు మళ్లీ.. యూఎస్ కీలక ఎకనామిక్ డాటా.. ఫెడరల్ రిజర్వ్ మళ్లీ 2026 లో కూడా.. వడ్డీ రేట్లను తగ్గించనున్నట్లు సంకేతాలు ఇచ్చింది. దీంతో బంగారం ధర ఉన్నట్టుండి ఒక్కసారిగా భారీగా పెరిగింది. దీంతో సరికొత్త జీవన కాల గరిష్ఠ ధరను తాకింది.
దేశీయంగా చూస్తే హైదరాబాద్ నగరంలో.. ఇవాళ 22 క్యారెట్ల పసిడి ధర రూ. 1800 పెరగడంతో తులం రూ. 1,24,800 కు చేరింది. ఇప్పటివరకు ఇదే ఆల్ టైం గరిష్ఠ ధర. దీనికి రెండు రోజుల ముందు రేటు స్థిరంగా ఉండగా.. దానికి ముందు మాత్రం రూ. 600 తగ్గింది. ఇక 24 క్యారెట్ల పుత్తడి ధర రూ. 1970 పెరిగి 10 గ్రాములకు రూ. 1,36,150 కు చేరింది.
బంగారం ధరలకు మించి వెండి రేటు పెరుగుతుంది. ఈ ఏడాదిలో ఇప్పటివరకు ఇది 130 శాతానికి మించి పెరిగింది. ఇవాళ రూ. 5 వేలు పెరగ్గా కేజీకి హైదరాబాద్ నగరంలో. ఇప్పుడు రూ. 2.31 లక్షలకు చేరుకుంది.
ఇంటర్నేషనల్ మార్కెట్లో బంగారం, వెండి రేట్లు అంతకు మించి పెరిగాయి. స్పాట్ గోల్డ్ రేటు ఔన్సుకు ఇప్పుడు 4500 డాలర్లకు చేరువలోకి వెళ్లింది. సిల్వర్ రేటు చూస్తే ఇప్పుడు ఏకంగా 70 డాలర్లకు చేరువైంది. ఇవి కూడా సరికొత్త ఆల్ టైం గరిష్ట ధరలే కావడం ఆందోళన కలిగిస్తుంది. అంతర్జాతీయ మార్కెట్లకు అనుగుణంగానే.. దేశీయంగా బంగారం, వెండి ధరల్లో హెచ్చు తగ్గులు కనిపిస్తాయి