తెలంగాణలో ఎలక్ట్రిక్ కార్ల తయారీ ప్లాంట్ ఏర్పాటు చేయబోతున్నట్లు వచ్చిన వార్తలను బీవైడీ (BYD) ఖండించడంతో, రాష్ట్ర ప్రభుత్వం ఆశ్చర్యానికి గురైంది. ముఖ్యంగా చైనా కంపెనీ హైదరాబాద్ సమీపంలో 10 బిలియన్ డాలర్ల పెట్టుబడి పెట్టబోతోందన్న ప్రచారం విస్తృతంగా జరగడంతో రాష్ట్ర ప్రభుత్వ వర్గాల్లో ఆసక్తి నెలకొంది. కానీ బీవైడీ తన అధికారిక ప్రకటనలో ఈ వార్తలను పూర్తిగా నిరాధారమైనవని స్పష్టం చేసింది. ఇదే సమయంలో కంపెనీ భారత్‌లో ఉత్పత్తి యూనిట్ పెట్టాలని యోచిస్తోందని, కానీ ఇంకా ఖచ్చితమైన నిర్ణయం తీసుకోలేదని ప్రకటించడం గమనార్హం.
ఈ పరిణామాలపై బీఆర్ఎస్ వర్కింగ్ ప్రెసిడెంట్ కేటీఆర్ స్పందిస్తూ.. తెలంగాణ ప్రభుత్వం తీసుకున్న ఎలక్ట్రిక్ వాహనాల పాలసీ కారణంగా బీవైడీ లాంటి కంపెనీలు పెట్టుబడులకు ఆసక్తి చూపిస్తున్నాయని అన్నారు. గతంలో బీఆర్ఎస్ ప్రభుత్వం ఎన్నో ప్రయత్నాలు చేసిందని, తెలంగాణను ఇలాంటివి ఆకర్షించేలా అభివృద్ధి చేశామని ఆయన పేర్కొన్నారు. అయితే బీవైడీ ఇంకా ఏదైనా స్పష్టమైన నిర్ణయం తీసుకోలేదని పరిశ్రమ వర్గాలు చెబుతున్నాయి.
Kiren Rijiju : రేపు లోక్‌సభ ముందుకు వక్ఫ్ బిల్లు
తెలంగాణలో బీవైడీ ప్లాంట్ ఏర్పాటుపై ఉత్కంఠ నెలకొన్నప్పటికీ ఇది సాధ్యమైతే లక్షలాది ఉద్యోగావకాశాలు వస్తాయని, రాష్ట్రానికి పెద్ద స్థాయిలో పెట్టుబడులు ప్రవహించే అవకాశం ఉందని పరిశీలకులు భావిస్తున్నారు. బీవైడీ పెట్టుబడి పెడితే దేశీయ ఈవీ రంగం మరింత బలోపేతం అవుతుందని విశ్లేషకులు చెబుతున్నారు. అయితే ప్రస్తుతానికి బీవైడీ స్పష్టతనివ్వకపోవడంతో భవిష్యత్తులో కంపెనీ ఏ నిర్ణయం తీసుకుంటుందనేది ఆసక్తికరంగా మారింది.