Chandrababu – Monday Verdicts : సోమవారం రోజు టీడీపీ అధినేత చంద్రబాబు నాయుడుకు ఎంతో కీలకంగా మారనుంది. ఎందుకంటే ఆయనకు సంబంధించిన అన్ని కేసుల్లోనూ రేపే తీర్పులు వెలువడనున్నాయి. దిగువ కోర్టు నుంచి సుప్రీంకోర్టు వరకు చంద్రబాబు దాఖలు చేసిన పలు పిటిషన్లపై తీర్పులు సోమవారం వెలువడే అవకాశం ఉంది. ఏపీ స్కిల్ డెవలప్మెంట్ కార్పొరేషన్ కేసులో గత నెల రోజులకుపైగా చంద్రబాబు రాజమండ్రి సెంట్రల్ జైలులోజ్యుడీషియల్ రిమాండ్ లో ఉన్నారు. ఈ కేసును కొట్టేయాలంటూ సుప్రీంకోర్టులో చంద్రబాబు వేసిన క్వాష్ పిటిషన్ పై సోమవారం విచారణ జరగనుంది.
We’re now on WhatsApp. Click to Join
ఇదే కేసులో తనకు బెయిల్ మంజూరు చేయాలని కోరుతూ చంద్రబాబు వేసిన మరో పిటిషన్పై విజయవాడలోని ఏసీబీ కోర్టు కూడా రేపు తీర్పు ఇవ్వనుంది. ఏపీ హైకోర్టులోనూ చంద్రబాబుకు సంబంధించిన మూడు బెయిలు పిటిషన్లపై రేపే తీర్పులు వెలువనున్నాయి. రాజధాని అమరావతి ఇన్నర్ రింగ్ రోడ్డు అలైన్ మెంట్లో అక్రమాలు, అంగళ్లు కేసు, ఫైబర్ నెట్ కేసుల్లో బెయిల్ కోసం చంద్రబాబు వేర్వేరుగా పిటిషన్లు దాఖలు చేశారు. ఈ మూడు పిటిషన్లలో (Chandrababu – Monday Verdicts) న్యాయమూర్తి సోమవారం నిర్ణయం వెల్లడించనున్నారు.