టీడీపీ జాతీయ ప్రధాన కార్యదర్శి, మంత్రి నారా లోకేశ్‌ను డిప్యూటీ సీఎం (Nara Lokesh as a AP Deputy CM) గా నియమించాలని టీడీపీ పొలిట్ బ్యూరో సభ్యుడు శ్రీనివాస్ రెడ్డి (TDP Srinivas Reddy )..ముఖ్యమంత్రి చంద్రబాబు(CM Chandrababu)కు విజ్ఞప్తి చేశారు. కడపలో జరిగిన ఎన్టీఆర్ వర్ధంతి సభ సందర్భంగా ఈ మేరకు తన అభిప్రాయాన్ని వ్యక్తం చేశారు. లోకేశ్‌ను డిప్యూటీ సీఎంగా నియమించడం ద్వారా పార్టీకి మంచి భవిష్యత్తు ఉండే అవకాశముందని ఆయన తెలిపారు.
Game Changer : ‘గేమ్ ఛేంజర్’ ప్లాప్ అని చరణ్ ఒప్పుకున్నట్లేనా..?
లోకేశ్ టీడీపీ ఆవిర్భావం నుంచి మూడో తరం నాయకుడిగా పార్టీ కార్యకలాపాల్లో కీలక పాత్ర పోషిస్తున్నారని , యువ నాయకుడిగా పార్టీ అభివృద్ధికి చేసిన కృషిని గుర్తించి ఆయనకు మరింత పెద్ద పదవిని అప్పగించాలని సూచించారు. ఇది పార్టీ యువతకు ప్రేరణగా నిలుస్తుందని, రాష్ట్రంలోని యువత రాజకీయాల్లో చురుకుగా పాల్గొనే అవకాశం లభిస్తుందని ఆయన అభిప్రాయపడ్డారు. లోకేశ్‌ను డిప్యూటీ ముఖ్యమంత్రిగా నియమిస్తే పార్టీలో సీనియర్ నేతలతో పాటు యువ నాయకుల్లో అనేక కొత్త ఆశలు కలిగే అవకాశం ఉందని శ్రీనివాస్ రెడ్డి పేర్కొన్నారు. దీని ద్వారా టీడీపీకి మరింత బలమైన నాయకత్వాన్ని అందించవచ్చని, పార్టీకి ఇది ఉపయోగకరంగా ఉంటుందని అభిప్రాయపడ్డారు.
ముఖ్యమంత్రి చంద్రబాబు ఇప్పటివరకు యువతను ప్రోత్సహించడంలో అనేక చర్యలు చేపట్టారని, అందులో భాగంగానే లోకేశ్‌కు డిప్యూటీ సీఎం పదవి అప్పగించడం ఒక మంచి నిర్ణయమని శ్రీనివాస్ రెడ్డి పేర్కొన్నారు. ఇది పార్టీకి కొత్త శక్తిని అందించడమే కాకుండా, ప్రజల్లో పార్టీపై విశ్వాసాన్ని మరింత పెంచుతుందని ఆయన అభిప్రాయపడ్డారు. పార్టీ నేతలు, కార్యకర్తలు కూడా ఈ నిర్ణయాన్ని స్వాగతిస్తారని, టీడీపీ నేతృత్వం యువతకు దిశానిర్దేశం చేసే విధంగా ఉంటుందని ఆయన తెలిపారు. మరి దీనిపై చంద్రబాబు ఏ నిర్ణయం తీసుకుంటారో చూడాలి.