CM Chandrababu : ఆంధ్రప్రదేశ్లో ఆధునిక సాంకేతికతకు పునాది వేస్తూ ముఖ్యమంత్రి చంద్రబాబు నాయుడు మరో కీలక నిర్ణయం తీసుకున్నారు. రాష్ట్ర అభివృద్ధి లక్ష్యంగా బలమైన కృత్రిమ మేధస్సు (ఏఐ) వ్యవస్థ నిర్మాణానికి ఎన్విడియా సంస్థతో భాగస్వామ్యం కుదుర్చుకున్నట్లు తెలిపారు. ఈ విషయాన్ని ఆయన తన అధికారిక ‘ఎక్స్’ ఖాతాలో ప్రకటించారు. చంద్రబాబు వెల్లడించిన వివరాల ప్రకారం, ఐటీ శాఖ మంత్రి నారా లోకేశ్ నేతృత్వంలో ఈ ఒప్పందం కుదిరిందని చెప్పారు. ఎన్విడియా సంస్థ ఆధ్వర్యంలో రాష్ట్రంలో నైపుణ్య శిక్షణ, పరిశోధన, స్టార్టప్ల అభివృద్ధి వంటి అంశాల్లో సమగ్ర కార్యాచరణ అమలులోకి రానుంది. రాబోయే రెండేళ్లలో దశలవారీగా 10 వేల మంది ఇంజినీరింగ్ విద్యార్థులకు ఏఐలో శిక్షణ ఇవ్వాలని లక్ష్యంగా పెట్టుకున్నాం అని చంద్రబాబు స్పష్టం చేశారు.
Read Also: Health Tips: కిడ్నీ ఆరోగ్యంగా ఉందో లేదో తెలుసుకోండి ఇలా?
ఈ శిక్షణా కార్యక్రమం ద్వారా విద్యార్థులు కేవలం సాంకేతిక పరిజ్ఞానమే కాకుండా, గ్లోబల్ స్టాండర్డ్స్కు అనుగుణంగా పరిశోధన, ఆవిష్కరణల్లో పాల్గొనగల సామర్థ్యం పొందుతారని తెలిపారు. ఇది రాష్ట్ర యువతకు ఉద్యోగావకాశాలు పెంచడంలో పెద్దపాళ్లు నిర్వహించనుందని అభిప్రాయపడ్డారు. చంద్రబాబు చెప్పిన ప్రధాన అంశం ఏంటంటే, ఈ ఒప్పందం ఫలితంగా రాష్ట్రం నుంచి 500 కృత్రిమ మేధస్సు ఆధారిత స్టార్టప్లు ప్రారంభం కావడం ఖాయం. విద్య, నైపుణ్యం నుంచి పరిశోధన, ఆవిష్కరణ వరకు ఈ సమగ్ర అభివృద్ధికి ఏపీ పునాది వేస్తోంది అని తెలిపారు. ఇటీవలి కాలంలో ప్రపంచవ్యాప్తంగా ఏఐ రంగంలో విప్లవాత్మక మార్పులు చోటుచేసుకుంటున్నాయి. అంతర్జాతీయ సంస్థలు, పరిశోధకులు ఈ రంగంపై దృష్టి సారిస్తున్న నేపథ్యంలో, ఏపీ ఇలా ముందడుగు వేయడం ప్రాధాన్యతగల పరిణామంగా పరిగణించవచ్చు.
ఏఐ టెక్నాలజీని ఉపాధి అవకాశాలుగా మలచాలని లక్ష్యంగా పెట్టుకున్న చంద్రబాబు ప్రభుత్వం, విద్యార్థుల భవిష్యత్ను కొత్త దారిలో నడిపించేందుకు శ్రమిస్తున్నదనడానికి ఈ ఒప్పందమే నిదర్శనం. గతంలో చంద్రబాబు మౌలిక సదుపాయాల అభివృద్ధికి, డిజిటల్ రంగానికి ప్రాధాన్యతనిచ్చిన నేతగా గుర్తింపు పొందిన సంగతి తెలిసిందే. ఇప్పుడు మళ్లీ అదే దిశగా అడుగులు వేస్తున్నారన్న విషయం స్పష్టమవుతోంది. మొత్తంగా, ఈ ఒప్పందం ద్వారా రాష్ట్ర యువతకు ప్రపంచ స్థాయి శిక్షణ అందించడమే కాక, ఏఐ రంగంలో ఏపీ ఒక ప్రధాన కేంద్రంగా ఎదగడానికి ఇదొక గట్టి అడుగు అని చెప్పవచ్చు.
Read Also: Tollywood : సినీ పరిశ్రమలో సమస్యలపై ప్రత్యేక కమిటీ ఏర్పాటు