Razole Janasena Candidate : రాజోలు జనసేన అభ్యర్థిగా దేవా వరప్రసాద్‌..

Razol Janasena

రాజోలు జనసేన అభ్యర్థి (Razole Janasena Candidate) ఎవరా అనేదానికి తెరపడింది. మాజీ ఐఏఎస్ దేవా వరప్రసాద్‌ (Deva Varaprasad) ను ఎమ్మెల్యే అభ్యర్థిగా అధినేత పవన్ కళ్యాణ్ (Pawan Kalyan) ప్రకటించారు .గత ఎన్నికల్లో జనసేన తరఫున రాపాక వరప్రసాద్ ఒక్కరే గెలిచి పరువు నిలిపారు. రాజోలు స్థానం నుంచి అసెంబ్లీ ఎన్నికల్లో విజయం సాధించిన రాపాక ఆ తర్వాత వైసీపీ కి దగ్గరై..పరోక్షంగా వైసీపీ అభ్యర్థి అయిపోయారు.

We’re now on WhatsApp. Click to Join.

ఇక ఇప్పుడు మరోసారి రాజోలు నియోజకవర్గంలో మళ్లీ జనసేన జెండా ఎగురవేయాలని పవన్ కళ్యాణ్ పిలుపునిచ్చారు. గత ఎన్నికల్లో జనసేన పార్టీని గెలిపించిన ఆ నియోజకవర్గ ఓటర్లు నాడు చూపించిన ఆదరణను ఈసారి మరింత పొందాలని పార్టీ శ్రేణులకు సూచించారు. రాజోలు ప్రజలు తమపై ఉంచిన విశ్వాసాన్ని నిలబెట్టుకుంటామని తెలుపుతూ..రాజోలు అభ్యర్థిగా మాజీ ఐఎఎస్‌ దేవా వరప్రసాద్‌ను జనసేన అధినేత పవన్‌ కళ్యాణ్‌ ప్రకటించారు. టీడీపీ, జనసేన, బీజేపీ పొత్తులో భాగంగా రాజోలు ఎమ్మెల్యే అభ్యర్థిగా మాజీ ఐఏఎస్‌ దేవా వరప్రసాద్‌ ను ప్రకటించడంతో రాజోలు ఉత్కంఠకు తెరపడింది. వరప్రసాద్‌ స్వగ్రామం మలికిపురం మండలంలోని దిండి గ్రామం. అయితే రాజోలు టికెట్‌ వస్తుందని ఆశపడిన బొంతు రాజేశ్వరరావు కు నిరాశే ఎదురయ్యింది. మరి వర ప్రసాద్ పేరు ప్రకటించడం తో బొంతు జనసేన లో కొనసాగుతారా..? లేక పార్టీని విడతారా అనేది చూడాలి.

Read Also : Drugs : నడిరోడ్డుపై ఇంజెక్షన్‌తో డ్రగ్స్ ఎక్కించుకుంటున్న ఓ రిక్షా డ్రైవర్