నెల్లూరు జిల్లాతో పాటు ఇతర ప్రాంతాల్లో మాదక ద్రవ్యాల తయారీ, విక్రయాలకు పాల్పడుతున్న ఐదుగురు సభ్యుల ముఠా గుట్టును పోలీసులు రట్టు చేశారు. నిషేధిత పదార్థాలను రూపొందించే పద్ధతులను తెలుసుకోవడానికి నిందితులు డార్క్ వెబ్‌లో వీడియోలు చూశారు. పక్కా సమాచారం మేరకు నెల్లూరు రూరల్ పోలీసులు ఆదివారం దాడులు నిర్వహించి తిరుపతి జిల్లా గూడూరు పట్టణానికి చెందిన పేటేటి సాథ్విక్ (31), చల్లా శ్రీనివాసులు రెడ్డి (20), మల్లిబాబు (38), కుంచాల వెంకయ్య (37), వినోద్ కుమార్ (29) లను అరెస్టు చేశారు. వీరిలో వినోద్ కుమార్ ఉత్తరప్రదేశ్‌లోని బండా జిల్లాలోని తిల్వాడ గ్రామానికి చెందినవాడు. ఈ ముఠా వద్ద నుంచి సుమారు రూ.15 లక్షల విలువైన 560 గ్రాముల నార్కోటిక్ పౌడర్, 1.98 కిలోల గంజాయిని స్వాధీనం చేసుకున్నారు.
We’re now on WhatsApp. Click to Join.
నిందితులు ఆన్‌లైన్‌లో వీడియోలుచూసి, నిషేధిత మాదక ద్రవ్యం మెఫెడ్రోన్ తయారీకి గంజాయి వంటి ముడిసరుకులను కొనుగోలు చేయడానికి రూ.2 లక్షలు పెట్టుబడి పెట్టారనినెల్లూరు ఎస్పీ డా.కె.తిరుమలేశ్వర రెడ్డి తెలిపారు. ఈ డ్రగ్స్‌ను నెల్లూరు జిల్లాతో పాటు పొరుగు ప్రాంతాల్లో విక్రయించి లబ్ధి పొందాలని ప్లాన్‌ చేశార‌ని వెల్ల‌డించారు. ఈ ముఠా నెల్లూరు శివార్లలోని ధనలక్ష్మీపురంలో ఒక ఇంటిని అద్దెకు తీసుకుని, అక్కడ నిషిద్ధ పదార్థాలను తయారు చేయడానికి ఒక చిన్న ప్రయోగశాలను ఏర్పాటు చేసిందని ఎస్పీ తెలిపారు. నిందితులపై ఎన్డీపీఎస్ చట్టంలోని సంబంధిత సెక్షన్ల కింద కేసులు నమోదు చేశారు. అనుమానాస్పద కార్యకలాపాలు కనిపిస్తే టోల్ ఫ్రీ నంబర్ 14500కు సమాచారం అందించాలని ఎస్పీ ప్రజలను కోరారు.
Also Read: Nara Lokesh Injured : యువగళం పాద్రయాత్రలో నారా లోకేష్ కుడిచేతికి గాయం..