CM Chandrababu : ఆంధ్రప్రదేశ్ ముఖ్యమంత్రి నారా చంద్రబాబు నాయుడు అధికారిక పర్యటనల్లో మరింత భద్రత, వేగం కోసం అత్యాధునిక ఎయిర్‌బస్ H160 హెలికాప్టర్ ను వినియోగంలోకి తీసుకొచ్చారు. గత రెండు వారాలుగా సీఎం నేరుగా జిల్లాల పర్యటనల కోసం ఈ నూతన హెలికాప్టర్‌ను ఉపయోగిస్తున్నారు. అధికారులు తెలిపిన మేరకు, ఈ అప్‌గ్రేడ్ ద్వారా ఆయన ప్రయాణాల్లో సమయం ఆదా అవుతుందేకాక, భద్రతా ప్రమాణాలు కూడా మరింత బలపడనున్నాయి.
ఎయిర్‌బస్ వివరాల ప్రకారం, H160 గరిష్టంగా 890 కిలోమీటర్ల దూరం ప్రయాణించగలదు, అలాగే 4.5 గంటల వరకు నిరంతరంగా ఎగరగల సామర్థ్యం కలిగి ఉంది. రెండు సాఫ్రాన్ అర్రానో 1A టర్బోషాఫ్ట్ ఇంజన్లు దీని శక్తి మూలం, ఒక్కో ఇంజన్ 955 కిలోవాట్ల (1,280 shp) టేకాఫ్ పవర్ ఇస్తుంది. ఈ హెలికాప్టర్ 6,050 కిలోల గరిష్ట టేకాఫ్ వెయిట్ కలిగి ఉండగా, దాదాపు 2,000 కిలోల వరకు లోడ్ మోసే సామర్థ్యం కలిగి ఉంది.
Ajit Pawar : వివాదంలో అజిత్‌ పవార్‌.. మహిళా ఐపీఎస్ అధికారిణిపై అనుచిత వ్యాఖ్యలు
ఈ మోడల్‌ను అనేక విధాలుగా వినియోగించుకోవచ్చు. ఒకరు లేదా ఇద్దరు పైలట్లు, 12 మందివరకు ప్రయాణికులు ఉండేలా సౌకర్యాలు కల్పించవచ్చు. ఇది -20°C నుండి 50°C వరకు ఉష్ణోగ్రతలలో, అలాగే 6,096 మీటర్ల ఎత్తు వరకు సులభంగా ఆపరేట్ చేయగలదు. హోవర్ సీలింగ్ (IGE) 2,835 మీటర్ల వరకు ఉంది. ఇంతకుముందు వరకు సీఎం చంద్రబాబు నాయుడు జిల్లా పర్యటనలకు వెళ్ళేటప్పుడు అనేక దశలలో ప్రయాణించాల్సి వచ్చేది. ఉండవల్లి నివాసం నుండి హెలికాప్టర్‌లో గన్నవరం విమానాశ్రయానికి వెళ్లి, అక్కడి నుండి ప్రత్యేక విమానం ఎక్కి సమీప జిల్లా ఎయిర్‌పోర్ట్ చేరుకొని, ఆపై రహదారిమార్గంలో సభా ప్రాంగణాలకు వెళ్లేవారు. ఇప్పుడు H160 హెలికాప్టర్ ద్వారా నేరుగా ఉండవల్లి నుండి జిల్లా గమ్యస్థానాలకు వెళ్ళగలుగుతున్నారు, దీంతో ప్రయాణ సమయం గణనీయంగా తగ్గుతోంది.
దీర్ఘ శ్రేణి (లాంగ్ రేంజ్) సామర్థ్యం, అధిక పనితీరు (పర్ఫార్మెన్స్)తో పాటు H160లో అత్యాధునిక భద్రతా డిజైన్ ఫీచర్లు అమర్చబడ్డాయి. ఆధునిక అవియానిక్స్ సిస్టమ్, తేలికపాటి కాంపోజిట్ నిర్మాణం, మెరుగైన స్టెబిలిటీ, పైలట్లపై పనిభారం తగ్గించే సాంకేతికతలు ఇందులో ఉన్నాయి. అలాగే, ప్రయాణికుల సౌకర్యం కోసం ప్రత్యేకంగా రూపొందించబడింది.
ఇవన్నీ కలిపి ఇది అధికారుల, ముఖ్యంగా అత్యున్నత స్థాయి ఎగ్జిక్యూటివ్ ప్రయాణాలకు అత్యంత అనువైనదిగా నిలుస్తోంది. అధికారుల ప్రకారం, ఎయిర్‌బస్ H160 వినియోగంలోకి రావడంతో సీఎం చంద్రబాబు నాయుడు భద్రతతో పాటు వేగవంతమైన, సౌకర్యవంతమైన ప్రయాణాన్ని పొందుతారు. అలాగే ఆయన బిజీ షెడ్యూల్‌కు తగ్గట్టు మరింత సౌలభ్యం, అనువైన రవాణా అవకాశాలు లభిస్తాయని తెలిపారు.
HYD Real Estate : హైదరాబాద్ లో రియల్ ఎస్టేట్ కుప్పకూలింది – హరీష్ రావు