ఆంధ్రప్రదేశ్‌లో ఐటీ రంగం వేగంగా విస్తరిస్తోంది. ఇప్పటికే గూగుల్‌, కాగ్నిజెంట్‌, టీసీఎస్‌ వంటి అంతర్జాతీయ సంస్థలు తమ పెట్టుబడులతో రాష్ట్రాన్ని కొత్త టెక్నాలజీ కేంద్రంగా మలుస్తున్న తరుణంలో, ఇప్పుడు మైక్రోసాఫ్ట్‌ సంస్థ కూడా బృహత్తర పెట్టుబడిని ప్రకటించింది. మైక్రోసాఫ్ట్‌ రూ.1,772.08 కోట్లతో అమరావతి క్వాంటమ్‌ వ్యాలీలో 1,200 క్యూబిట్‌ల సామర్థ్యం గల క్వాంటమ్‌ కంప్యూటర్‌ ఏర్పాటు చేయనుంది. ఈ ప్రాజెక్టుకు సంబంధించి ప్రభుత్వ అధికారులతో జరిగిన చర్చలు విజయవంతంగా ముగిశాయి. మొత్తం 4 వేల చదరపు అడుగుల విస్తీర్ణంలో ఆధునిక సదుపాయాలతో భవన నిర్మాణం జరగనుంది. ఈ క్వాంటమ్‌ కంప్యూటర్‌ 50 లాజికల్ క్యూబిట్‌ల సామర్థ్యంతో ఉండడం ద్వారా, భారతదేశం టెక్నాలజీ రంగంలో ఒక పెద్ద ముందడుగు వేయనుంది.
Mobile Recharge Prices : DEC నుంచి మొబైల్ రీఛార్జ్ ధరలు పెంపు?
ఇప్పటికే అమరావతిలో ఐబీఎం సంస్థ కూడా 133 క్యూబిట్‌ల సామర్థ్యంతో మరో క్వాంటమ్‌ కంప్యూటర్‌ ఏర్పాటు చేసేందుకు ఒప్పందం కుదుర్చుకుంది. దీంతో అమరావతి నగరం దేశంలోని అత్యాధునిక క్వాంటమ్‌ పరిశోధనలకు కేంద్రంగా ఎదగనుంది. ఈ రెండు దిగ్గజ సంస్థల రాకతో, ఆంధ్రప్రదేశ్‌ క్వాంటమ్‌ టెక్నాలజీ, ఆర్టిఫిషియల్ ఇంటెలిజెన్స్‌, డేటా సైన్స్‌ రంగాల్లో దేశ నాయకత్వాన్ని చేపట్టే స్థాయికి చేరుకోనుంది. రాష్ట్ర ఆర్థికాభివృద్ధికి ఈ పెట్టుబడులు దోహదపడటమే కాకుండా, వేల సంఖ్యలో నైపుణ్యవంతమైన ఉద్యోగాలు సృష్టించబడ్డాయి. మైక్రోసాఫ్ట్‌ భవనం అత్యాధునిక సాంకేతికతతో నిర్మించబడటంతో పాటు, క్వాంటమ్‌ చిప్‌ తయారీ, సిమ్యులేషన్‌ మరియు హై-స్పీడ్‌ కంప్యూటింగ్‌ రీసెర్చ్‌కు కేంద్రంగా పనిచేయనుంది.
Sunday: ఆదివారం రోజు ఇప్పుడు చెప్పినట్టు పూజ చేస్తే చాలు.. కలిగే ఫలితాలు అస్సలు నమ్మలేరు!
రాష్ట్ర ప్రభుత్వం క్వాంటమ్‌ వ్యాలీని ప్రపంచస్థాయి పరిశోధనా కేంద్రంగా అభివృద్ధి చేయాలన్న లక్ష్యంతో ముందుకు సాగుతోంది. ఇప్పటికే జపాన్‌ సంస్థ ఫుజిసు కూడా 64 క్యూబిట్‌ సామర్థ్యంతో కొత్త క్వాంటమ్‌ కంప్యూటర్‌ ఏర్పాటు చేయడానికి అంగీకరించింది. ఈ ప్రాజెక్టులన్నీ కలిపి అమరావతిని భారత్‌లోని “క్వాంటమ్‌ క్యాపిటల్‌”గా నిలబెట్టే దిశగా దూసుకుపోతున్నాయి. ప్రభుత్వం కేంద్ర R&D నిధులకు తోడు అదనంగా 50 శాతం నిధులు అందించడానికి నిర్ణయించింది, తద్వారా క్వాంటమ్‌ చిప్‌ల తయారీకి ప్రత్యేక ఫ్యాబ్రికేషన్‌ ఫెసిలిటీ సెంటర్‌ను కూడా ఏర్పాటు చేయనుంది. మొత్తం 90 లక్షల చదరపు అడుగుల విస్తీర్ణంలో క్వాంటమ్‌ వ్యాలీ సదుపాయాలను దశలవారీగా అభివృద్ధి చేస్తూ, L&T రూపొందించిన ఐకానిక్‌ టవర్‌ ద్వారా ఈ ప్రాజెక్ట్‌కు ప్రతీకాత్మక గుర్తింపు ఇవ్వనుంది. ఈ క్వాంటమ్‌ వ్యాలీ పూర్తి స్థాయిలో ప్రారంభమైతే, ఆంధ్రప్రదేశ్‌ టెక్నాలజీ రంగంలో భారతదేశానికి గర్వకారణంగా నిలుస్తుందనే అభిప్రాయం వ్యక్తమవుతోంది.