ఆంధ్రప్రదేశ్లో గత ప్రభుత్వ హయాంలో ప్రారంభించి మధ్యలో ఆగిపోయిన ఇళ్ల నిర్మాణాలను పూర్తి చేయడంపై కూటమి ప్రభుత్వం దృష్టి సారించింది. ఈ మేరకు ప్రభుత్వం బీసీ వర్గాలకు రూ.50 వేల చొప్పున, ఎస్సీ, ఎస్టీ వర్గాలకు రూ.75 వేల చొప్పున అదనపు ఆర్థిక సాయం మంజూరు చేసి, మార్చి నెలలో లబ్ధిదారుల ఖాతాల్లో జమ చేసింది. ఈ నిధుల సహాయంతో చాలామంది లబ్ధిదారులు తమ ఇళ్ల నిర్మాణాలను పూర్తి చేశారు. అయితే, కొందరు లబ్ధిదారులు మాత్రం ఇప్పటికీ పనులు ప్రారంభించకపోవడంతో ప్రభుత్వం కఠిన వైఖరి అవలంబించింది. నిర్మాణం మొదలుపెట్టని వారి ఖాతాల్లో జమ చేసిన డబ్బును వెనక్కి తీసుకోవాలని ఉన్నతాధికారులు ఆదేశాలు జారీ చేశారు.
Chia Seeds: చియా సీడ్స్ ఎక్కువగా తీసుకుంటే ఏం జరుగుతుందో మీకు తెలుసా?
ఇళ్ల నిర్మాణం పూర్తి చేయని లబ్ధిదారులను అధికారులు పలు మార్లు సంప్రదించినా, పెద్దగా ఫలితం రాలేదని సమాచారం. కొంతమంది లబ్ధిదారులు ఆర్థిక కారణాలు, మరికొందరు నిర్లక్ష్య ధోరణి వల్ల పనులు నిలిపివేశారని అధికారులు చెబుతున్నారు. ఈ నేపథ్యంలో ప్రభుత్వం ఇచ్చిన సాయాన్ని వృథా కాకుండా ప్రాజెక్ట్ పూర్తికి వినియోగించాలన్న ఉద్దేశంతో డబ్బు రికవరీ ప్రక్రియను ప్రారంభించేందుకు సన్నద్ధమవుతున్నారు. ప్రస్తుతం పనులు ప్రారంభించని లబ్ధిదారులకు నోటీసులు జారీ చేసి, నిర్దిష్ట గడువులోపల నిర్మాణాన్ని ప్రారంభించకపోతే డబ్బు ప్రభుత్వ ఖాతాకు తిరిగి చెల్లించాలని సూచిస్తున్నారు. ఈ చర్య వల్ల ప్రభుత్వ నిధులు పారదర్శకంగా వినియోగించబడతాయని అధికారులు చెబుతున్నారు.
Ravi Teja : మాస్ జాతర’తో హిట్ కొట్టాం.!
గృహ నిర్మాణ సంస్థలు కూడా లబ్ధిదారులకు స్పష్టమైన సూచనలు జారీ చేశాయి. డిసెంబర్ 31 లోపు ఇళ్ల నిర్మాణాలు పూర్తి చేయకపోతే, ఇచ్చిన అదనపు సాయాన్ని రికవరీ చేయనున్నట్లు హెచ్చరించారు. ప్రస్తుతం క్షేత్రస్థాయిలో అధికారులు సమావేశాలు నిర్వహిస్తూ, లబ్ధిదారులను వేగంగా పనులు ప్రారంభించమని కోరుతున్నారు. ఇప్పటికే పలు మండలాల్లో నోటీసులు జారీ చేసే ప్రక్రియ మొదలైంది. ప్రభుత్వం తీసుకున్న ఈ నిర్ణయం వల్ల లబ్ధిదారులు తక్షణం పనులు వేగవంతం చేయడానికి అవకాశం ఉంది. అంతేకాకుండా, రాష్ట్రంలో పెండింగ్లో ఉన్న గృహ నిర్మాణ ప్రాజెక్టులు త్వరగా పూర్తి అయ్యే అవకాశం ఉందని అధికారులు ఆశిస్తున్నారు.