Tamanna Vs Pawan Kalyan : పిఠాపురంలో ప‌వ‌న్‌క‌ల్యాణ్‌పై ఓ సంచలన అభ్యర్థి పోటీ చేయనున్నారు. ఎవరో తెలుసా ? ప్ర‌ముఖ ట్రాన్స్‌జెండ‌ర్ తమన్నా సింహాద్రి!! ఈ ఎన్నికల్లో భార‌త చైత‌న్య యువ‌జ‌న పార్టీ (బీసీవై) నుంచి ఆమె పోటీ చేయనున్నారు. ఈవిషయాన్ని ఆ పార్టీ అధ్య‌క్షుడు బోడె రామ‌చంద్ర‌యాద‌వ్ ప్ర‌క‌టించారు. ‘‘ఏపీలో మ‌రే ఇత‌ర పార్టీ చేయ‌ని సాహ‌సాన్ని, స‌మ‌న్యాయాన్ని మా పార్టీ అమ‌లు చేసింది స‌మాజ సేవ‌లో పేరు పొంది, ప్ర‌జాసేవ చేయాల‌నే ఇష్టం ఉన్న ట్రాన్స్‌జెండ‌ర్స్‌కు చ‌ట్ట‌స‌భ‌ల్లో అవ‌కాశం క‌ల్పించాల‌నే ఆలోచ‌న‌తో తమన్నా సింహాద్రికి పిఠాపురం సీటు ఇచ్చాం’’ అని ఆయన వెల్లడించారు. తమన్నా సింహాద్రికి ఎన్నిక‌ల ప్ర‌చార ఇన్‌చార్జ్‌గా ఆకుల జ‌య‌క‌ల్యాణ్ వ్య‌వ‌హ‌రించ‌నున్నారు. గ‌త ఎన్నికల్లో మంగ‌ళ‌గిరి నుంచి నారా లోకేశ్‌పై కూడా తమన్నా సింహాద్రి పోటీ చేశారు. ‘‘రాజ‌కీయాలు వ్యాపారమ‌యం అయ్యాయి. ప్ర‌జ‌ల‌కు సేవ చేయాల‌న్న ఆలోచ‌న నాయ‌కుల్లో కొర‌వ‌డింది’’ అని తమన్నా(Tamanna Vs Pawan Kalyan) గతంలో తెలిపారు. ప్ర‌జ‌ల‌కు త‌మ‌లాంటి సేవ చేసే వాళ్లు ఉండాల‌నే ఉద్దేశంతోనే గతంలో మంగ‌ళ‌గిరి నుంచి పోటీ చేసినట్లు అప్పట్లో చెప్పారు.
We’re now on WhatsApp. Click to Join
- తమన్నా స్వ‌స్థ‌లం విజ‌య‌వాడ.
- బిగ్‌బాస్ రియాల్టీ షోలో తమన్నా వైల్డ్ కార్డ్ ఎంట్రీ ఇచ్చారు.
- బిగ్‌బాస్ హౌజ్‌లో తమన్నా ర‌చ్చ ఓ రేంజ్‌లో నడిచింది.
- తమన్నాకు ముందు నుంచే రాజకీయాలంటే చాలా ఆస‌క్తి.
- గతంలో మంగ‌ళ‌గిరి నుంచి నారా లోకేశ్‌పై తమన్నా పోటీచేశారు.
Also Read : AK Antony Vs Anil Antony : నా కొడుకు ఎన్నికల్లో ఓడిపోవాలి : కాంగ్రెస్ నేత ఏకే ఆంటోనీ
- గతంలో తమన్నా జ‌న‌సేన పార్టీలోనూ ప‌ని చేశారు.
- కానీ క‌నీసం ప‌వ‌న్‌క‌ల్యాణ్‌ను క‌లిసే అవ‌కాశం కూడా అప్పట్లో తమన్నాకు దక్కలేదు.
- అప్పట్లో జ‌న‌సేన నుంచి టికెట్ ఆశించి తమన్నా భంగ‌ప‌డ్డారు.
- నాటి నుంచే జ‌న‌సేన‌పై తమన్నా కోపంగా ఉన్నారు.
- ఈక్రమంలోనే ఇప్పుడు పవన్ కల్యాణ్‌పై పోటీ చేయడాన్ని తమన్నా ఛాలెంజ్‌గా తీసుకుంటున్నారు.