భారతదేశంలో మొత్తం 12 బ్లూ ఫ్లాగ్ (Prestigious Blue Flag) గుర్తింపు పొందిన బీచ్‌లు ఉన్నాయి. ఆంధ్రప్రదేశ్‌లోని విశాఖపట్నం రుషికొండ బీచ్ (Rushikonda Beach) కూడా ఈ ప్రతిష్టాత్మక బ్లూ ఫ్లాగ్ సర్టిఫికేషన్‌ను పొందింది. ఇది ప్రపంచ స్థాయిలో అత్యున్నత ప్రమాణాలను పాటించే బీచ్‌లకు మాత్రమే ఇస్తారు. పర్యావరణ పరిరక్షణ, పరిశుభ్రత, భద్రత, మరియు సుస్థిర పర్యాటక ప్రమాణాల్లో రుషికొండ బీచ్ ఈ గుర్తింపును పొందింది. దీని కారణంగా ప్రతి నెలా 70,000 నుండి 1,00,000 మంది టూరిస్టులు ఈ బీచ్‌ను సందర్శిస్తున్నారు.
2024 జూన్ 29న బ్లూ ఫ్లాగ్ ఇండియా జ్యూరీ సభ్యులు డా. అజయ్ సక్సేనా, డా. శ్రిజీ కురుప్ రుషికొండ బీచ్‌ను సందర్శించి, కొన్ని సలహాలు అందించారు. ఈ మార్పులను అమలు చేసిన అనంతరం, అక్టోబర్ 2024లో రుషికొండ బీచ్‌కు మళ్లీ బ్లూ ఫ్లాగ్ సర్టిఫికేషన్ లభించింది. అయితే దసరా, దీపావళి, సంక్రాంతి వంటి పండుగల సమయంలో విపరీతమైన జనసందోహం, ట్రాఫిక్ సమస్యలు ఏర్పడ్డాయి. ఫిబ్రవరి 13, 2025న బ్లూ ఫ్లాగ్ ఇండియా నేషనల్ ఆపరేటర్ నుండి “టెంపరరీ విత్‌డ్రాయల్” నోటీసు అందింది.
Harish Rao Letter To CM Revanth Reddy : సన్ ఫ్లవర్ కొనుగోలు కేంద్రాలపై డిమాండ్
ఫిబ్రవరి 17, 2025న సమావేశం నిర్వహించి, సంబంధిత అధికారులకు సమస్యల పరిష్కార సూచనలు అందించబడ్డాయి. పోలీసు శాఖ ట్రాఫిక్ నియంత్రణ చర్యలు చేపట్టగా, GVMC శునకాల సమస్యను తగ్గించేందుకు చర్యలు తీసుకుంది. అదనపు పార్కింగ్ ప్రాంతాలను గుర్తించి వాహన రద్దీని తగ్గించడానికి ప్రణాళికలు రూపొందించాయి. బీచ్‌లో భద్రతను మెరుగుపరిచేందుకు మెరైన్ పోలీస్ మరియు సీసీటీవీలను ఏర్పాటు చేయడం, తగినంత లైటింగ్ ఏర్పాటు చేయడం జరిగింది.
రుషికొండ బీచ్ బ్లూ ఫ్లాగ్ సర్టిఫికేషన్ రద్దు చేయబడినట్టు వచ్చిన వార్తలు అసత్యం. జనసందోహం మరియు ట్రాఫిక్ సమస్యల కారణంగా మాత్రమే తాత్కాలికంగా నిలిపివేయబడింది. మార్చి 4, 2025న జరిగే భద్రతా ఆడిట్ (RLSS) అనంతరం బ్లూ ఫ్లాగ్ స్టేటస్ తిరిగి పొందేందుకు ప్రయత్నాలు జరుగుతున్నాయి. అవసరమైన అన్ని సంస్కరణలు అమలులోకి తెచ్చిన కారణంగా రుషికొండ బీచ్ మరోసారి బ్లూ ఫ్లాగ్ గుర్తింపును తిరిగి పొందే అవకాశం ఉంది.
Mayawatis Successor: రాజకీయ వారసత్వంపై మాయావతి సంచలన ప్రకటన.. ఆకాశ్ ఔట్