దేవాలయంలో లేదా పూజా మందిరంలో కూర్చోవడం ద్వారా మాత్రమే భగవంతునిపై భక్తి ఉంటుందని ఎవరు చెప్పారు. మనసులో విశ్వాసం ఉంటే నైట్ క్లబ్లో (Yoga Rave) డ్యాన్స్ చేస్తున్నప్పుడు కూడా భగవంతుడిని స్మరించవచ్చు. అర్జెంటీనాలోని గ్రూవ్ నైట్ క్లబ్ చేస్తున్న పని ఇదే. ఈ క్లబ్ యొక్క ప్రత్యేకత ఏమిటంటే, పాడటం, నృత్యం రెండూ ఉన్నాయి కానీ ఆ పాటలు సాంప్రదాయకంగా ఉంటాయి. ఈ క్లబ్లోని సంగీతం మొత్తం సంస్కృత పాటలే. ఈ నైట్ క్లబ్ ప్రత్యేకత ఏమిటో తెలుసా ?
నైట్ క్లబ్ అనగానే ఆల్కాహాల్, అశ్లీలతనే గుర్తుకు వస్తుంది. కానీ ఇక్కడ అలాంటివాటికి తావుండదు. ఆల్కాహాల్ పర్మిషన్ ఉండదు. నాన్ వేజ్ వాసన అసలే ఉండదు. కానీ అన్ లిమిటెడ్ ఫన్ మాత్రం ఉంటుంది. పండ్లరసాలు మాత్రమే ఈ క్లబ్ లో అందిస్తారు. ఇక్కడికి వచ్చేవారు రుచికరమైన శాకాహారాన్ని ఆస్వాదించవచ్చు. ఒత్తిడికి దూరంగా ప్రజలకు ప్రశాంతమైన ఆధ్యాత్మిక వాతావరణాన్ని అందించడమే ఈ నైట్ క్లబ్ లక్ష్యం. ఇక్కడ మంత్రం , ధ్యానం , సంగీతం, నృత్యం కూడా ప్రత్యేక ప్రోత్సాహాన్ని అందిస్తాయి. ప్రస్తుతం, 800 మంది వ్యక్తులు ఈ నైట్ క్లబ్లోకి ఒకేసారి ప్రవేశించవచ్చు. ఇక్కడ ఉన్న ప్రత్యేక సౌకర్యాలను సద్వినియోగం చేసుకోవచ్చు.
అర్జెంటీనాలోని బ్యూనస్ ఎయిర్స్లో ఉన్న ఈ నైట్క్లబ్లో వివిధ రకాల యోగా కార్యకలాపాలతో పాటు ప్రాణాయామం, ఇతర విషయాలను బోధించే యోగా గురువు కూడా ఉన్నారు. యోగా, సంస్కృత పాటలపై నృత్య కార్యక్రమం కారణంగా, ఈ నైట్ క్లబ్కు యోగా రేవ్ పార్టీ అని కూడా పేరు పెట్టారు.