Taliban Forces: ఇస్లామిక్ స్టేట్ టాప్ కమాండర్లను హతమార్చిన తాలిబాన్ బలగాలు

ఆఫ్ఘనిస్తాన్ రాజధాని కాబూల్‌లో జరిగిన ఆపరేషన్‌లో తాలిబాన్ (Taliban) ఇంటెలిజెన్స్ ఫోర్స్ ఇస్లామిక్ స్టేట్ (ఐఎస్) గ్రూపుకు చెందిన ఇద్దరు ప్రముఖ కమాండర్లను హతమార్చింది. మీడియా నివేదికల ప్రకారం.. చంపబడిన టెర్రరిస్టులలో ఒకరు ఇస్లామిక్ స్టేట్-ఖొరాసన్ ప్రావిన్స్ (ISKP) ఇంటెలిజెన్స్ చీఫ్, మాజీ యుద్ధ మంత్రిగా పిలువబడే ఖరీ ఫతే.  ISKP కమాండర్‌ మృతిపై తాలిబాన్‌ అధికార ప్రతినిధి జబీహుల్లా ముజాహిద్‌ తెలిపారు. ఖరీ ఫతే ISKPకి ప్రధాన వ్యూహకర్తగా నివేదించబడ్డాడని, కాబూల్‌లోని రష్యా, పాకిస్తానీ, చైనా దౌత్య కార్యకలాపాలతో సహా అనేక దాడులకు ప్లాన్ చేస్తున్నాడని ముజాహిద్ చెప్పాడు. ఇంతకు ముందు కూడా కరీ ఫతే అనేక ఉగ్రవాద కార్యకలాపాలకు పాల్పడ్డాడు.

ముజాహిద్ ప్రకారం.. ఖారీ ఫతేహ్ ఆపరేషన్‌లో చంపబడ్డాడు. అతని సహచరుడు పట్టుబడ్డాడు. ఉగ్రవాద సంస్థకు చెందిన ఈ హత్యకు గురైన కమాండర్ తన సహచరులతో కలిసి అనేక మసీదులను, బౌద్ధ విహారాలను ధ్వంసం చేశాడు. దాడులు ఆపకుంటే ఉగ్రవాదులపై చర్యలు తీసుకుంటామని తాలిబన్లు సూటిగా చెప్పారు. IS-K ఉగ్రవాద స్థావరాలను నిర్మూలించేందుకు తాలిబానీ దళం సెర్చ్ ఆపరేషన్‌ను నిర్వహిస్తోంది. వాస్తవానికి, 2014 నుండి IS-K ఆఫ్ఘనిస్తాన్‌లో ఉగ్రవాద కార్యకలాపాలలో చురుకుగా ఉంది. ఇప్పుడు తాలిబాన్ పాలన దీన్ని పెద్ద ముప్పుగా పరిగణిస్తోంది.

Also Read: Tamil Nadu: తమిళనాడులో ఘోర రోడ్డు ప్రమాదం.. ఐదుగురు మృతి

దీనితో పాటు, జబీహుల్లా ముజాహిద్ తన ప్రకటనలో కాశ్మీర్‌లో జన్మించిన భయంకరమైన ఉగ్రవాది ఎజాజ్ అహ్మద్ అహంగర్ అలియాస్ అబూ ఉస్మాన్ అల్-కశ్మీరీతో కలిసి చంపబడ్డాడని ధృవీకరించాడు. అల్-ఖైదా, ఇతర గ్లోబల్ టెర్రరిస్ట్ గ్రూపులతో సంబంధాలు కలిగి ఉన్నారనే ఆరోపణలపై రియు దేశంలో ఇస్లామిక్ స్టేట్ (IS)ని తిరిగి ప్రారంభించారనే ఆరోపణలపై అహంగర్‌ను ఇటీవల భారత ప్రభుత్వం ఉగ్రవాదిగా ప్రకటించింది. మార్చి 2020లో ఆఫ్ఘన్ ఇంటెలిజెన్స్ అహంగర్‌ను ఆత్మాహుతి బాంబు దాడికి సూత్రధారిగా గుర్తించింది. ఎజాజ్ భారతదేశం కోసం ఇస్లామిక్ స్టేట్ (IS) రిక్రూట్‌మెంట్ సెల్ హెడ్‌గా నియమించబడ్డాడు. ఆన్‌లైన్ ఇండియా-సెంట్రిక్ ISIS ప్రచార మ్యాగజైన్‌ను ప్రారంభించడంలో కీలక పాత్ర పోషించాడు.