Top 5 Predictions 2025: 2025 సంవత్సరంలో ఏం జరగబోతోంది ? అనేది ఎవ్వరూ కరెక్టుగా ఊహించలేరు. కానీ తాను ఊహించగలనని స్వయం ప్రకటిత టైమ్ ట్రావెలర్ ఎల్విస్ థాంప్సన్ అంటున్నాడు. ఈమేరకు వివరాలతో అతడు ఇన్స్టాగ్రామ్ వేదికగా ఒక వీడియోను విడుదల చేశాడు. ఈ ఏడాది జరగబోయే 5 అంశాలను ఎల్విస్ థాంప్సన్ చెప్పాడు. అవేంటో చూద్దాం..
Also Read :PK Plan : పీకే రాజకీయ మంత్రం.. తమిళనాడులో ఏపీ ఫార్ములా
ఎల్విస్ థాంప్సన్ ప్రకారం 2025లో జరగబోయేవి..
- ఏప్రిల్ 6న 24 కిలోమీటర్ల వెడల్పు, గంటకు 1046 కిలోమీటర్ల వేగంతో ఒక టోర్నడో వస్తుంది. ఇది అమెరికాలోని ఒక్లహోమాను అతలాకుతలం చేస్తుంది.
- మే 27న అమెరికాలో రెండో అంతర్యుద్ధం(Top 5 Predictions 2025) ప్రారంభమవుతుంది. ఇది టెక్సాస్ విడిపోవడానికి, అణ్వాయుధాలతో ప్రపంచ సంఘర్షణకు దారితీస్తుంది. చివరికు అమెరికా దీన స్థితికి చేరుకుంటుంది.
- సెప్టెంబరు 1న ఛాంపియన్ అనే గ్రహాంతర వాసి భూమిపైకి వస్తాడు. అతడు 12వేల మంది మనుషులను కిడ్నాప్ చేసి వేరే గ్రహానికి తీసుకెళ్తాడు.
- సెప్టెంబర్ 19న అమెరికా తూర్పు తీరాన్ని ఒక భారీ హరికేన్ నాశనం చేస్తుంది.
- నవంబర్ 3న పసిఫిక్ మహాసముద్రంలో ఒక పెద్ద సముద్ర జీవిని కనుగొంటాం. అది నీలి తిమింగలం కంటే 6 రెట్లు పెద్దదిగా ఉంటుంది. దానికి సిరిన్ క్రౌన్ అని పేరు పెడతారు.
- ఈమేరకు జోస్యాలతో ఎల్విస్ థాంప్సన్ విడుదల చేసిన వీడియోకు 2 కోట్లకుపైగా వ్యూస్ వచ్చాయి.
- థాంప్సన్ చెప్పిన జోస్యం హాస్యాస్పదంగా ఉందని నెటిజన్లు కామెంట్లు పెట్టారు. వాటిలో శాస్త్రీయత, లాజిక్ లేవన్నారు.
- థాంప్సన్ చెప్పిన జోస్యంలో ఏది జరగకపోయినా కోర్టును ఆశ్రయిస్తామని పలువురు నెటిజన్లు స్పష్టం చేశారు. లీగల్ ఫైట్ చేస్తామన్నారు.
Also Read :Telangana MLC Polls: టీచర్ ఎమ్మెల్సీ పోల్స్.. విజేతను నిర్ణయించేది ఆ ఓట్లే
టైం ట్రావెలింగ్ సాధ్యమేనా ?
ఎల్విస్ థాంప్సన్ తాను టైమ్ ట్రావెల్ చేశానని అంటున్నాడు. భవిష్యత్తులోకి వెళ్లి వచ్చానని వాదిస్తున్నాడు. కాంతి కంటే వేగంగా ప్రయాణించగలిగితే భవిష్యత్ కాలాలను చేరుకోవచ్చని పలువురు శాస్త్రవేత్తలు అంటున్నారు. కాంతి వేగం అంటే సెకనుకు 3 లక్షల కిలోమీటర్లు. నిన్నటి సూర్యోదయాన్ని చూడాలంటే 24 గంటలు వెనక్కి వెళ్లాలి. అంటే ఆ సమయంలో కాంతి ప్రయాణించిన రెండు వేల 592 కిలోమీటర్ల దూరాన్ని మనం చేరుకోవాలి. అది కూడా సెకను కంటే తక్కువ సమయంలోనే . అది జరిగితే నిన్నటి సూర్యోదయాన్ని మనం చూడగలమట.