Sleeping Prince : సౌదీ అరేబియా రాజ కుటుంబానికి చెందిన ప్రిన్స్ అల్-వలీద్ బిన్ ఖాలిద్ బిన్ తలాల్ అల్ సౌద్ (Prince Al-Waleed bin Khaled bin Talal Al Saud), “స్లీపింగ్ ప్రిన్స్” (Sleeping Prince) గా ప్రపంచవ్యాప్తంగా ప్రసిద్ధి చెందిన ఆయన కన్నుమూశారు. సుమారు ఇరవై సంవత్సరాలుగా కోమాలో ఉన్న ఈ యువరాజు, 36 ఏళ్ల వయసులో మృతి చెందారు.
వారాంతంలో ఆయన మరణాన్ని కుటుంబ సభ్యులు ధృవీకరించారు. ఈ వార్త రాజ కుటుంబంలోనే కాకుండా మొత్తం సౌదీ దేశంలో తీవ్ర విషాదాన్ని రేకెత్తించింది. “అల్లాహ్ నిర్ణయాన్ని విశ్వసిస్తూ, అపారమైన బాధతో, మన ప్రియమైన కుమారుడు ప్రిన్స్ అల్-వలీద్ బిన్ ఖాలిద్ బిన్ తలాల్ బిన్ అబ్దులజీజ్ అల్ సౌద్ మృతి చెందారని తెలియజేస్తున్నాం. అల్లాహ్ ఆయన ఆత్మకు శాంతి ప్రసాదించుగాక,” అని ఆయన తండ్రి ప్రిన్స్ ఖాలిద్ బిన్ తలాల్ బిన్ అబ్దులజీజ్ సోషల్ మీడియాలో ప్రకటించారు.
ప్రిన్స్ అంత్యక్రియల ప్రార్థనలు రియాద్‌లోని ఇమామ్ తుర్కీ బిన్ అబ్దుల్లా మసీద్‌లో ఆదివారం ఆసర్ ప్రార్థన అనంతరం జరగనున్నట్లు కుటుంబం ప్రకటించింది. 2005లో లండన్‌లో జరిగిన ఘోర రోడ్డు ప్రమాదంలో ప్రిన్స్ అల్-వలీద్ తీవ్రంగా గాయపడ్డారు. ఆ సమయంలో ఆయన వయసు కేవలం 15 సంవత్సరాలు మాత్రమే. ఆ ప్రమాదంలో ఆయనకు గుండెకు దెబ్బతో పాటు భయంకరమైన బ్రెయిన్ హేమరేజ్ (మెదడు రక్తస్రావం) వచ్చింది. తరువాత ఆయనను సౌదీ అరేబియాకు తరలించి రియాద్‌లోని కింగ్ అబ్దులజీజ్ మెడికల్ సిటీలో చేర్చారు.
వైద్య నిపుణుల సహాయంతో అమెరికా, స్పెయిన్ వంటి దేశాల వైద్య సాంకేతికతలను ఉపయోగించినప్పటికీ, ఆయన మళ్లీ స్పృహ పొందలేదు. దాదాపు రెండు దశాబ్దాల పాటు ఆయన శ్వాసకోశ యంత్రాలపై, లైఫ్ సపోర్ట్ సిస్టమ్‌తో జీవించాల్సి వచ్చింది.
తన కుమారుడి ప్రాణాన్ని కాపాడటంలో ప్రిన్స్ ఖాలిద్ బిన్ తలాల్ ఎప్పుడూ వెనుకడుగు వేయలేదు. “అల్లాహ్ ఇచ్చిన ప్రాణం ఆయన అనుమతి లేకుండా తీసుకోవడం సరికాదు” అన్న నమ్మకంతో, ఎప్పుడూ కుమారుడి పక్కనే ఉండి పోరాటం చేశారు. ఈ తండ్రి ప్రేమ, ధైర్యం దేశవ్యాప్తంగా , ప్రపంచవ్యాప్తంగా అనేక మందిని కదిలించింది.
1990 ఏప్రిల్‌లో జన్మించిన ప్రిన్స్ అల్-వలీద్, ప్రిన్స్ ఖాలిద్ బిన్ తలాల్ పెద్ద కుమారుడు. సౌదీ రాజ కుటుంబంలో ప్రముఖ సభ్యుడైన ఖాలిద్ బిన్ తలాల్ తన కుమారుడిపై చూపిన అపారమైన మమకారం అందరికీ ఆదర్శంగా నిలిచింది.
స్లీపింగ్ ప్రిన్స్ జీవితం, కోమాలో ఉన్నప్పటికీ దేశవ్యాప్తంగా చర్చనీయాంశంగా మారింది. దాదాపు ఇరవై సంవత్సరాలుగా ప్రిన్స్ కోసం ప్రార్థనలు చేసిన ప్రజలు, ఆయన మరణ వార్తతో తీవ్రంగా విచారించారు. ఈ సంఘటన సౌదీ రాజ కుటుంబంలోనే కాకుండా ప్రపంచవ్యాప్తంగా కూడా సంతాపాన్ని రేకెత్తించింది.
Shamshabad Airport : ప్రయాణికులకు చెమటలు పట్టించిన ఎయిరిండియా ఫ్లైట్