ప్రధాన మంత్రి నరేంద్ర మోదీపై కాంగ్రెస్ పార్టీ నేత, లోక్‌సభ ప్రతిపక్ష నేత రాహుల్ గాంధీ చేసిన వ్యాఖ్యలు ఇప్పుడు అంతర్జాతీయస్థాయిలో చర్చనీయాంశంగా మారాయి. రాహుల్ గాంధీ ఇటీవల చేసిన వ్యాఖ్యల్లో “మోదీ, ట్రంప్‌కు భయపడుతున్నారు” అని విమర్శించగా, అమెరికన్ సింగర్, నటి మేరీ మిల్బెన్ ఘాటుగా ప్రతిస్పందించారు. ఆమె ట్విట్టర్ (X) వేదికగా రాహుల్ వ్యాఖ్యలను తిప్పికొడుతూ, “రాహుల్, మీరు పూర్తిగా తప్పు. ప్రధాని మోదీ ట్రంప్‌కు భయపడడం లేదు. ఆయన రాజకీయ దృక్పథం చాలా లోతైనది. ఆయన అమెరికాతో వ్యూహాత్మకంగా వ్యవహరిస్తున్నారు” అంటూ వ్యాఖ్యానించారు.
CCTV Camera In Bathroom: బాత్రూంలో సీక్రెట్ కెమెరా.. ఓనర్ అరెస్ట్
మేరీ మిల్బెన్ ట్వీట్‌లో మరింత స్పష్టంగా మాట్లాడుతూ, “మోదీ గారు ట్రంప్‌లాగే తమ దేశ ప్రయోజనాలను ముందుంచే నాయకుడు. ప్రపంచ రాజకీయాల్లో దీర్ఘకాల వ్యూహాన్ని అవలంబిస్తున్నారు. ఇలాంటి విషయాలు అర్థం చేసుకోవడానికి రాజకీయ తెలివితేటలు అవసరం. కానీ మీలో ఆ చతురత కనిపించడం లేదు. మీరు దేశ నాయకత్వ బాధ్యతలు తీసుకునే స్థాయిలో లేరు” అని రాహుల్ గాంధీపై వ్యంగ్యంగా వ్యాఖ్యానించారు. ఆమె మాటలు సోషల్ మీడియాలో విస్తృతంగా వైరల్ అవుతున్నాయి.
ఈ ట్వీట్‌తో రాజకీయ వర్గాల్లో కొత్త చర్చ మొదలైంది. భారతీయ జాతీయవాద వర్గాలు మేరీ మిల్బెన్ వ్యాఖ్యలను మోదీ పట్ల అంతర్జాతీయ గౌరవ సూచకంగా చూస్తుంటే, కాంగ్రెస్ నేతలు మాత్రం దాన్ని వ్యక్తిగత అభిప్రాయంగా కొట్టిపారేస్తున్నారు. అయినా సరే, అమెరికన్ సాంస్కృతిక ప్రముఖురాలు నేరుగా భారత రాజకీయ నాయకుడిపై వ్యాఖ్యానించడం అరుదైన విషయం. ఇది రాహుల్ గాంధీ వ్యాఖ్యల ప్రభావం అంతర్జాతీయ స్థాయికి చేరిందనే సూచనగా పరిగణిస్తున్నారు.