Plane Crash Video: మరో ఘోర విమాన ప్రమాదం జరిగింది. దక్షిణ ఫిలిప్పీన్స్‌లో అమెరికా సైనిక విమానం (Plane Crash Video) కూలిపోయింది. నేలను ఢీకొట్టిన తర్వాత విమానం ముక్కలై మంటలు చెలరేగాయి. ఈ ప్రమాదంలో అమెరికా ఆర్మీ అధికారి సహా నలుగురు చనిపోయారు. ప్రమాదం జరిగిన తర్వాత వీడియో బయటకు వచ్చింది. ఫిలిప్పీన్స్‌లోని సివిల్ ఏవియేషన్ అథారిటీ ఈ ప్రమాదాన్ని ధృవీకరించింది. మాగ్విండనావో డెల్ సుర్ ప్రావిన్స్‌లో ఒక విమానం కూలిపోయిందని, ఆంపాటువాన్ నగరంలోని శిధిలాల నుండి తీవ్రంగా కాలిపోయిన నాలుగు మృతదేహాలను తొలగించామని ప్రావిన్స్ భద్రతా అధికారి అమీర్ జిహాద్ టిమ్ అంబోలోడ్టో తెలిపారు.
సైనిక విమానం ప్రమాదానికి గురైనప్పుడు నిఘా, శోధన మిషన్‌లో ఉంది. అయితే ప్రమాదం ఎందుకు జరిగింది? ప్రమాదానికి గల కారణాల కోసం ఇండో-పసిఫిక్ కమాండ్ అన్వేషణ ప్రారంభించింది. ఫిలిప్పీన్స్ సైనిక అధికారులు విచారణ పూర్తయ్యే వరకు మరిన్ని వివరాలను అందించడానికి నిరాకరించారు.
Also Read: Pensions in AP : ఏపీలో పింఛన్‌లు తీసుకునేవారికి శుభవార్త
🇺🇸🇵🇭- US soldier among 4 killed in Philippines plane crash. The American army-contracted plane smashes into the rice field in the south of the country, 3 contractors are also among the dead. pic.twitter.com/NesmJDDl4v
— Iyane (@XTechPulse) February 6, 2025
ప్రమాదం గురించి ప్రజలు పోలీసులకు సమాచారం అందించారు
స్థానిక ఏజెన్సీ కథనం ప్రకారం.. ప్రమాదంపై స్థానికులు పోలీసులకు సమాచారం అందించారు. బాంబు పేలినట్లు భయంకరమైన పేలుడు వినిపించిందని చెప్పిన‌ట్లు తెలుస్తోంది. ప్రమాద వార్త అందిన వెంటనే పోలీసులు, రెస్క్యూ టీం సభ్యులు సంఘటనా స్థలానికి చేరుకున్నారు. ప్రజల సహకారంతో సహాయక చర్యలు చేపట్టారు.
విపత్తు అధికారి విండీ బీటీ అసోసియేటెడ్ ప్రెస్‌తో మాట్లాడుతూ.. ప్రమాదం గురించి తనకు సమాచారం అందించారు. పేలుడు శబ్దం విన్న స్థానికులు విమానం నుంచి పొగలు రావడం చూశారు. ఫామ్‌హౌస్‌కు కిలోమీటరు దూరంలోనే విమానం నేలపై పడి మంటలు చెలరేగాయి. క్రాష్ సైట్ వద్ద లేదా సమీపంలో ఎటువంటి గాయాలు నివేదించబడలేదు. అయితే విమానంలో ఉన్న ప్రతి ఒక్కరూ గాయపడ్డారు.
అమెరికాలోని వాషింగ్టన్ స్టేట్‌లోని అతిపెద్ద నగరమైన సీటెల్ విమానాశ్రయంలో నిన్న రెండు విమానాలు ఢీకొన్న సంగ‌తి తెలిసిందే. డెల్టా ఎయిర్‌లైన్స్‌కు చెందిన బోయింగ్ 737 విమానం 142 మంది ప్రయాణికులతో బయలుదేరింది. ఈ విమానం మెక్సికోలోని ప్యూర్టో వల్లార్టా నగరానికి వెళ్లాల్సి ఉంది. విమానాశ్రయంలోనే జపాన్ ఎయిర్‌లైన్స్‌కు చెందిన బోయింగ్ 737 విమానం డి-ఐసింగ్ మోడ్‌లో ఉండగా, అది డెల్టా జెట్ విమానాన్ని వెనుక నుంచి ఢీకొట్టింది. రెండు విమానం రెక్కలు ఒకదానికొకటి ఢీకొన్నాయి. ఎయిర్‌పోర్ట్ సిబ్బంది, అంబులెన్స్, అగ్నిమాపక దళం, సెక్యూరిటీ సంఘటనా స్థలానికి వచ్చి ఎమర్జెన్సీ గేట్ నుండి విమానంలోని వ్యక్తులను రక్షించారు. ప్రమాదంలో ఎవరికీ గాయాలు అయినట్లు సమాచారం లేదు.