Blast : పాకిస్థాన్‌లో మరోసారి ఉగ్రవాద దాడి కలకలం రేపింది. ఖైబర్ పఖ్తుంఖ్వా ప్రావిన్స్‌లోని బజౌర్ జిల్లా ఖార్ తహసీల్‌లోని కౌసర్ క్రికెట్ మైదానంలో శనివారం జరిగిన ఘటన స్థానికులను భయభ్రాంతులకు గురి చేసింది. క్రికెట్ మ్యాచ్ కొనసాగుతుండగా ఒక్కసారిగా భారీ శబ్దంతో బాంబు పేలుడు సంభవించింది. పేలుడు సంభవించగానే మైదానమంతా పొగ మబ్బులతో కమ్ముకుంది. ఆటగాళ్లు, ప్రేక్షకులు భయంతో పరుగులు తీశారు. ఆ సమయంలో తొక్కిసలాట చోటు చేసుకుని పరిస్థితి మరింత ఉద్రిక్తంగా మారింది. ఈ దాడిలో ఒకరు మృతి చెందగా, చిన్నారులు సహా పలువురు గాయపడ్డారని స్థానిక మీడియా పేర్కొంది. గాయపడిన వారిని సమీప ఆస్పత్రులకు తరలించి చికిత్స అందిస్తున్నారు.
AP Liquor Scam Case : జైలు నుంచి విడుదలైన లిక్కర్ కేసు నిందితులు
బజౌర్ జిల్లా పోలీసు అధికారి వకాస్ రఫీక్ ప్రకారం, ఈ దాడి కోసం ఉపయోగించినది ఇంప్రూవైజ్డ్ ఎక్స్‌ప్లోసివ్ డివైజ్ (IED) అని ప్రాథమికంగా నిర్ధారించబడిందని తెలిపారు. “ఒకరు మృతి చెందారు. పలువురు గాయపడ్డారు. బాధితులలో కొందరి పరిస్థితి ఆందోళనకరంగా ఉంది” అని ఆయన వెల్లడించారు. భద్రతా అధికారులు గుర్తు చేసిన ప్రకారం, కొన్ని వారాల క్రితం కూడా ఇదే ప్రాంతంలో ఉగ్రవాదులు క్వాడ్‌కాప్టర్ సహాయంతో ఒక పోలీస్ స్టేషన్‌పై దాడి చేశారు. ఆ దాడిలో ఒక పోలీస్ కానిస్టేబుల్, ఒక పౌరుడు గాయపడ్డారు. ఈ వరుస దాడులు స్థానిక ప్రజల్లో భయాందోళనలు పెంచుతున్నాయి.
ఇక నిపుణుల అంచనాల ప్రకారం, ప్రభుత్వం ఉగ్రవాద వ్యతిరేకంగా చేపట్టిన “ఆపరేషన్ సర్బకాఫ్” చర్యలకు ప్రతిస్పందనగానే ఈ పేలుడు జరిగిందని అనుమానం వ్యక్తమవుతోంది. ఇటీవలి కాలంలో పాకిస్థాన్‌లో ఉగ్రవాద దాడులు విస్తరిస్తుండటంతో కేంద్ర ప్రభుత్వం కఠిన చర్యలు చేపట్టింది. అయితే వాటికి ప్రతిస్పందనగా ఉగ్రవాదులు ఇలాంటి దాడులు జరుపుతున్నారని భద్రతా వర్గాలు భావిస్తున్నాయి.
ఈ బాంబు పేలుడు ఘటన అనంతరం మైదానం అంతా గందరగోళంగా మారిన దృశ్యాలు వీడియో రూపంలో సోషల్ మీడియాలో విపరీతంగా వైరల్ అవుతున్నాయి. ఆ వీడియోలు చూసిన వారు ఆగ్రహం వ్యక్తం చేస్తూ, నిరపరాధులపై ఇలాంటి దాడులు మానవత్వానికి విరుద్ధమని వ్యాఖ్యానిస్తున్నారు.
Lunar Eclipse: చంద్ర‌గ్ర‌హ‌ణం రోజున గర్భిణీలు చేయాల్సినవి, చేయకూడనివి ఇవే!