200 Vehicles Crash: పొగమంచు కారణంగా 200 వాహనాలు ఢీ.. వీడియో

చైనాలోని జెంగ్‌జువా (Zhengzhou) నగరంలో పొగమంచు (Heavy Fog) కారణంగా భారీ ప్రమాదం చోటుచేసుకుంది. జెంగ్‌జువా నగరంలోని జెంగ్‌జిన్‌ హువాంగే వంతెన ప్రాంతాన్ని పొగమంచు తీవ్రంగా కప్పేసింది. దీంతో ముందున్న వాహనాలు కనిపించక ఏకంగా 200లకుపైగా కార్లు, ఇతర వాహనాలు వెనుకనుంచి ఒకదానికొకటి ఢీ కొట్టుకున్నాయి. ఈ ప్రమాదంలో చాలా మంది గాయాలపాలయ్యారని, వారిని స్థానిక ఆసుపత్రులకు తరలించినట్లు చైనా మీడియా వెల్లడించింది. అగ్నిమాపక యంత్రాలు, రెస్క్యూ సిబ్బంది చేరుకొని సహాయక చర్యలు చేపట్టారు.కార్లు, ట్రక్కులు ఒకదానిపై ఒకటి పేరుకుపోయిన దృశ్యాలు సామాజిక మాధ్యమాల్లో వైరల్‌గా మారాయి.

దట్టమైన పొగమంచు కారణంగా చైనాలోని జెంగ్‌జౌ నగరంలోని వంతెనపై డజన్ల కొద్దీ వాహనాలు ఢీకొన్నాయి. ఈ ప్రమాదంలో సుమారు 200 వాహనాలు ఒకదానికొకటి ఢీకొన్నాయి. ఇందులో ఒకరు మృతి చెందారు. ఈ ఘటనకు సంబంధించిన ఫొటోలు సోషల్ మీడియాలో వైరల్‌గా మారుతున్నాయి. ప్రమాదంలో గాయపడిన వారిని చికిత్స నిమిత్తం ఆస్పత్రికి తరలించారు.

Also Read: Ex-Minister Son: హిజ్రాలను హత్య చేసిన కేసులో మాజీమంత్రి కుమారుడికి ఉరిశిక్ష

చైనా స్టేట్ మీడియా ప్రకారం.. స్థానిక అగ్నిమాపక విభాగం వెంటనే 11 అగ్నిమాపక వాహనాలను, 66 అగ్నిమాపక సిబ్బందిని సంఘటనా స్థలానికి పంపించింది. ప్రమాదం జరిగిన ప్రదేశంలో అనేక మంది గాయపడ్డారు. అగ్నిమాపక సిబ్బంది సహాయక చర్యలలో నిమగ్నమై ఉంది. వాతావరణ శాస్త్రం ప్రకారం బుధవారం ఉదయం చాలా ప్రాంతాల్లో దృశ్యమానత 500 మీటర్ల కంటే తక్కువగా, కొన్నిసార్లు 200 మీటర్ల కంటే తక్కువగా ఉంది. 200కు పైగా వాహనాలు ఒకదానికొకటి ఢీకొన్నాయని ఘటనా స్థలంలో ఉన్న స్థానికులు తెలిపారు.