వరుసగా క్షిపణులను ప్రయోగిస్తున్న ఉత్తర కొరియా (North Korea) మరోసారి బలప్రదర్శనకు దిగింది. అంతర్జాతీయంగా ఎన్ని అభ్యంతరాలు వ్యక్తమవుతున్నా శనివారం ఉదయం మరోసారి బాలిస్టిక్ క్షిపణిని ప్రయోగించింది కిమ్ ప్రభుత్వం. క్షిపణికి చెందిన ఐదు డ్రోన్లు తమ గగనతలంలోకి దూసుకొచ్చాయని దక్షిణ కొరియా తెలిపింది. కాగా ఉత్తర కొరియా ఏడాదిగా మిస్సైళ్లు, అత్యాధునిక ఖండాంతర క్షిపణులు, ఆయుధాలను పరీక్షిస్తుండటంతో కొరియన్‌ పీఠభూమిలో ఉద్రిక్త పరిస్థితులు నెలకొన్నాయి.
ఉత్తర కొరియా (North Korea) నిరంతరం క్షిపణులను పరీక్షిస్తూ దక్షిణ కొరియాపై ఒత్తిడి తెస్తోంది. ఈ ఏడాది ఎన్నో భారీ క్షిపణి పరీక్షలు చేసిన ఉత్తర కొరియా.. 2022 చివరి రోజున క్షిపణిని ప్రయోగించి పొరుగు దేశానికి టెన్షన్‌ని పెంచింది. శనివారం ఉదయం ఉత్తర కొరియా ఒక పేర్కొనబడని బాలిస్టిక్ క్షిపణిని ప్రయోగించిందని దక్షిణ కొరియా సైన్యం పేర్కొంది. ఈ విషయమై దక్షిణ కొరియా జాయింట్ చీఫ్ ఆఫ్ స్టాఫ్ మాట్లాడుతూ.. తూర్పు సముద్రంలోకి ఉత్తర కొరియా గుర్తు తెలియని బాలిస్టిక్ క్షిపణిని ప్రయోగించింది. శనివారం ఉదయం ఈ క్షిపణిని ప్రయోగించారు. ఈ చర్య తర్వాత, దక్షిణ కొరియా మరోసారి అలర్ట్ మోడ్‌లో ఉందన్నారు.
Also Read: Koneru Humpy: చరిత్ర సృష్టించిన కోనేరు హంపి.. వరల్డ్ బ్లిట్జ్ చెస్ ఛాంపియన్‌షిప్ లో రజతం
డిసెంబర్ 23న ఉత్తర కొరియా అకస్మాత్తుగా ఇలా రెండు క్షిపణులను ప్రయోగించింది. డిసెంబరు 23న ఉత్తర కొరియా రెండు స్వల్ప-శ్రేణి బాలిస్టిక్ క్షిపణులను ప్రయోగించిందని సియోల్ సైన్యం తెలిపింది. ఈ ఏడాది ఉత్తర కొరియా నిర్వహించిన క్షిపణి పరీక్షల్లో ఈ ప్రయోగం కొత్తది. ఉత్తర కొరియా ఈ ఏడాది పలు క్షిపణులను పరీక్షించింది. నవంబర్‌లో అత్యంత అధునాతనమైన ఖండాంతర బాలిస్టిక్ క్షిపణిని పరీక్షించడం ఇందులో ఉంది.
అంతకుముందు.. ఉత్తర కొరియా నవంబర్‌లో అనేక క్షిపణులను పరీక్షించింది. ఇది రెండు దేశాల మధ్య ఉద్రిక్తతను పెంచింది. ఆ సమయంలో కొరియా ద్వీపకల్పంలోని తూర్పు, పశ్చిమ తీరాలకు సమీపంలో ఉత్తర కొరియా నుండి 10 కంటే ఎక్కువ క్షిపణులను ప్రయోగించారు. వీటిలో మూడు స్వల్ప శ్రేణి బాలిస్టిక్ క్షిపణులు. వీటిలో ఒకటి దక్షిణ కొరియా సముద్ర సరిహద్దు వద్ద పడింది. దీని తరువాత దక్షిణ కొరియా తన దీవులలో ఒకదానిపై వైమానిక దాడుల హెచ్చరికను కూడా జారీ చేసింది.