Sea Lions: చిలీలో H5N1 బర్డ్ ఫ్లూ కారణంగా చనిపోతున్న సముద్ర సింహాల (Sea Lions) సంఖ్యలో విపరీతమైన పెరుగుదల నమోదవుతోంది. H5N1 బర్డ్ ఫ్లూ కారణంగా ఈ సంవత్సరం చిలీలో ఇప్పటివరకు 13,000 కంటే ఎక్కువ సముద్ర సింహాలు మరణించినట్లు ఇటీవలి నివేదికలు చూపిస్తున్నాయి. అదే సమయంలో కేవలం 3 వారాల్లో సముద్ర సింహాల మరణాల సంఖ్య 32 శాతం పెరిగింది. చిలీలో H5N1 బర్డ్ ఫ్లూ కారణంగా సముద్ర సింహాలతో పాటు, డాల్ఫిన్లు, పోర్పోయిస్, సీ ఓటర్స్, పెంగ్విన్లతో సహా ఇతర సముద్ర జంతువులు చనిపోయాయి. నేషనల్ ఫిషరీస్ అండ్ ఆక్వాకల్చర్ సర్వీస్ (సెర్నాపెస్కా) ఈ ఏడాది ఇప్పటివరకు కనీసం 13,000 కంటే ఎక్కువ సముద్ర సింహాలు చనిపోయాయని తెలిపింది.
H5N1 బర్డ్ ఫ్లూ కారణంగా సముద్ర సింహాలు మృతి
అంతకుముందు ఏప్రిల్ నెలలో నేషనల్ ఫిషరీస్ అండ్ ఆక్వాకల్చర్ సర్వీస్ (సెర్నాపెస్కా) చిలీలో ఒక నివేదికను సమర్పించింది. ఒక్క ఏప్రిల్ నెలలోనే దాదాపు 2,000 సముద్ర సింహాలు H5N1 బర్డ్ ఫ్లూ కారణంగా చనిపోయాయని పేర్కొంది. ఇది దాదాపు 4 రెట్లు ఎక్కువ. నెలలో 532 సముద్ర సింహాలు మృతి చెందాయి. దక్షిణ అమెరికాలోని సముద్ర సింహాలు అసాధారణంగా H5N1 బర్డ్ ఫ్లూ బారిన పడ్డాయి. చిలీ పక్కనే ఉన్న పెరూలో మార్చి ప్రారంభంలో ఏవియన్ ఇన్ఫ్లుఎంజాతో సుమారు 3,500 సముద్ర సింహాలు మరణించినట్లు నివేదించబడింది.
Also Read: Coimbatore DIG Suicide : డీఐజీ సూసైడ్.. కోయంబత్తూరులో కలకలం
More than 13,000 sea lions in Chile have died of H5N1 bird flu this year, an increase of 32% in just 3 weeks pic.twitter.com/7jD7HnB2xS
— BNO News (@BNOFeed) July 6, 2023
10 శాతం పెంగ్విన్లను కోల్పోయే ప్రమాదం ఉంది
చిలీలోని ఇతర సముద్ర జాతులు కూడా బర్డ్ ఫ్లూ బారిన పడ్డాయి. ముఖ్యంగా హంబోల్ట్ పెంగ్విన్లు ఈ సంవత్సరం ఇప్పటివరకు 933 చనిపోయాయి. చిలీలోని హంబోల్ట్ పెంగ్విన్లలో ఇది 8.5 శాతం. ఇంతకుముందు ఒక ప్రకటనలో సమాచారం ఇస్తూ.. చిలీ ఆక్వాకల్చర్ సర్వీస్ హెడ్ మరియా సోలెడాడ్ టాపియా అల్మోనాసిడ్ మాట్లాడుతూ.. దేశంలో హంబోల్ట్ పెంగ్విన్ల మొత్తం జనాభా 11 వేల కంటే ఎక్కువ. దీని కారణంగా దాదాపు 10 శాతం పెంగ్విన్లను కోల్పోయే ప్రమాదం ఖచ్చితంగా ఆందోళన కలిగిస్తుంది.