Japan PM: జపాన్ ప్రధానికి సైనస్ శస్త్రచికిత్స

Resizeimagesize (1280 X 720) (4)

గతేడాది నుంచి ముక్కు దిబ్బడతో ఇబ్బంది పడుతుండటంతో జపాన్ ప్రధాని (Japan PM) ఫ్యూమియో కిషీడాకు తాజాగా సైనస్ శస్త్రచికిత్స చేయనున్నారు. టోక్యోలోని ఓ ఆసుపత్రిలో ఆయనకు ఈ ఆపరేషన్ చేయనున్నట్లు అధికారులు తెలిపారు. ఇందు కోసం ఫ్యూమియో ఆసుపత్రికి కూడా చేరుకున్నారని, మరికాసేపట్లో ఆయనకు శస్త్ర చికిత్స జరగనున్నట్లు తెలుస్తోంది. దీర్ఘకాలిక సైనసైటిస్ ఉన్న కారణంగా ఆయనకు ఆపరేషన్ చేయాలని వైద్యులు సూచించారు.

జపాన్ ప్రధాని ఫుమియో కిషిడాకు గత ఏడాది నుంచి ముక్కు మూసుకుపోయిన దీర్ఘకాలిక సైనసైటిస్‌కు చికిత్స చేసేందుకు శనివారం టోక్యో ఆస్పత్రిలో సైనస్ సర్జరీ చేయించుకుంటున్నారు. కిషిదా.. సూట్ ధరించి, సెక్యూరిటీ గార్డులు, సహాయకులతో కలిసి శనివారం ఉదయం ఆసుపత్రిలోకి ప్రవేశించడం కనిపించింది. శుక్రవారం ఆయన విలేకరులతో మాట్లాడుతూ.. గతేడాది నుంచి ముక్కు దిబ్బడతో, పాలీప్స్ తో దీర్ఘకాలిక సైనసైటిస్ సోకినట్లు నిర్ధారణ అయింది. అప్పటి నుండి మందులతో చికిత్స చేశానని, అయితే పూర్తిగా కోలుకోవడం కోసం శస్త్రచికిత్స చేయాలని నిర్ణయించుకున్నానని కిషిడా చెప్పారు.

Also Read: PM Modi: అమెరికా సంచలన వ్యాఖ్యలు.. ప్రధాని మోదీకి ఆ సత్తా ఉంది..!

సమావేశాలు, పార్లమెంటరీ సమావేశాలు, వార్తా సమావేశాలలో మాట్లాడేటప్పుడు అతని ముక్కు మూసుకుపోయిందని స్థానిక మీడియా పేర్కొంది. కిషిడా సాధారణ అనస్థీషియా కింద శస్త్రచికిత్స చేయించుకుంటారు. ఈ సమయంలో చీఫ్ క్యాబినెట్ సెక్రటరీ హిరోకాజు మట్సునో జపాన్ క్యాబినెట్ చట్టం ప్రకారం సూచించిన నాయకత్వ పాత్రను తాత్కాలికంగా స్వీకరిస్తారు.