Israel Vs Hamas : గాజా నుంచి ఆర్మీని వెనక్కి పిలిచేది లేదు : ఇజ్రాయెల్

Israel Vs Hamas : గాజా నుంచి తమ సైనిక బలగాల ఉపసంహరణకు ఇజ్రాయెల్ నో చెప్పింది. యుద్ధం ముగింపు లాంటి హమాస్ కీలక డిమాండ్లను కూడా ఇజ్రాయెల్‌లోని నెతన్యాహు సర్కారు తిరస్కరించింది. దీంతో పాలస్తీనా మిలిటెంట్  సంస్థ హమాస్, ఇజ్రాయెల్ ప్రభుత్వం మధ్య ఈజిప్టులోని కైరో వేదికగా జరిగిన చర్చలు విఫలమయ్యాయి. చర్చల అనంతరం హమాస్ ప్రతినిధులు ఖతార్‌కు వెళ్లిపోయారు. ఈనేపథ్యంలో పాలస్తీనాలోని రఫా ప్రాంతంతో పాటు గాజాలోని ఇతర ఏరియాల్లో భారీ సైనిక దాడులు చేస్తామని ఇజ్రాయెల్ (Israel Vs Hamas) వార్నింగ్ ఇచ్చింది.  దక్షిణ లెబనాన్​లోని మేస్​ అల్​ జబల్​ టౌన్​పై ఇజ్రాయెల్​ జరిపిన దాడిలో నలుగురు పౌరులు చనిపోగా, పలువురు గాయపడ్డారు. తాము హెజ్బొల్లా సైనిక స్థావరాలను లక్ష్యంగా చేసుకొని దాడి చేశామని ఇజ్రాయెల్​ ప్రకటించింది.

Also Read : Bernard Hill Dies: టైటానిక్ నటుడు బెర్నార్డ్ హిల్ మృతి

ఖతర్ ప్రభుత్వానికి చెందిన అల్‌-జజీరా న్యూస్ ఛానల్‌పై ఇజ్రాయెల్ నిషేధం విధించింది.  హమాస్‌కు అనుకూలంగా వార్తలు ప్రసారం చేస్తున్నారనే అభియోగంతో ఇజ్రాయెల్ సర్కారు ఈ నిర్ణయం తీసుకుంది. ఇజ్రాయెల్​, హమాస్​ మధ్య జరుగుతున్న ఈ చర్చల్లో అమెరికా, ఈజిప్టుతో పాటు ఖతర్‌ కీలక పాత్ర పోషిస్తోంది.

Also Read :EC Big Shock To Sajjala : సజ్జల కు భారీ షాక్ ఇచ్చిన ఈసీ