Shubanshu Shukla : భారత దేశం కోసం మరో గర్వకారణమైన ఘట్టం నమోదైంది. భారత వైమానిక దళానికి చెందిన గ్రూప్ కెప్టెన్, ఇస్రో వ్యోమగామి శుభాంశు శుక్లా, 18 రోజుల అంతరిక్ష మిషన్‌ను విజయవంతంగా పూర్తి చేసి, భూమికి సురక్షితంగా తిరిగి వచ్చారు. ఈ సందర్భంగా ఆయన అంతర్జాతీయ అంతరిక్ష కేంద్రం (ISS)కు వెళ్లిన తొలి భారతీయ వ్యోమగామిగా చరిత్రలో తన పేరు లిఖించుకున్నారు.
యాక్సియం-4 మిషన్ విజయవంతం
శుభాంశు శుక్లా అమెరికా ప్రైవేట్ స్పేస్ కంపెనీ యాక్సియం స్పేస్ చేపట్టిన Ax-4 మిషన్ లో పాల్గొన్నారు. ఈ మిషన్‌లో భాగంగా ఆయనతో పాటు మరో ముగ్గురు వ్యోమగాములు కలసి అంతర్జాతీయ అంతరిక్ష కేంద్రాన్ని సందర్శించారు. 18 రోజుల ప్రయాణం ముగిసిన అనంతరం, జూలై 15వ తేదీ మధ్యాహ్నం 3:01 గంటలకు, వీరు క్యాలిఫోర్నియా తీరంలో సముద్రంలో దిగారు. ఈ మిషన్‌లో ప్రయోగించబడిన డ్రాగన్ స్పేస్ క్రాఫ్ట్ ద్వారా వీరు భూమికి చేరుకున్నారు. భూమికి తిరిగిన వెంటనే, భౌతిక ఆరోగ్యాన్ని పునరుద్ధరించేందుకు వీరిని ఏడు రోజుల పాటు క్వారంటైన్ కు తరలించారు. అంతరిక్షంలో ఉన్న సమయంలో వారి శరీరాలు గురుత్వాకర్షణ లేని వాతావరణానికి అలవాటుపడ్డాయి. భూమిపై తిరిగి పునఃస్థాపిత శారీరక సామర్థ్యం కోసం NASA ప్రత్యేక రిహాబిలిటేషన్ చర్యలు చేపడుతోంది.
🌍🚀 Historic splashdown!
Group Captain Shubhanshu Shukla and the #Axiom4 crew return to Earth after 18 days aboard the ISS.
The Dragon spacecraft has safely landed in the Pacific Ocean.A proud milestone in international space collaboration. 🇮🇳🛰️🌊#ISS #SpaceX #Splashdown… pic.twitter.com/GeGfRj3Zwd
— SG News (@SGNews123) July 15, 2025
అంతరిక్షంలో శాస్త్రీయ ప్రయోగాలు
శుభాంశు శుక్లా నేతృత్వంలో ఈ మిషన్‌లో 60కి పైగా శాస్త్రీయ ప్రయోగాలు జరిపారు. వాటిలో ఇస్రో రూపొందించిన 7 ప్రయోగాలు ప్రాముఖ్యత కలిగి ఉన్నాయి.
.సున్నా గురుత్వాకర్షణలో విత్తనాల మొలకెత్తడం, అభివృద్ధిని పరిశీలించడం
.జన్యు లక్షణాల అధ్యయనం – భవిష్యత్ అంతరిక్ష వ్యవసాయం కోసం
.సూక్ష్మజీవుల పరస్పర చర్యలు, పోషక విలువలపై పరిశోధన
.మైక్రోఆల్గీ సాగు – ఆహారం, ఆక్సిజన్, బయోఫ్యూయల్ ఉత్పత్తికి దాని సామర్థ్యాన్ని పరీక్షించడం
.అంతరిక్షంలో గ్లూకోజ్ మానిటరింగ్ – శారీరక ఆరోగ్య సమస్యలపై పరిశోధనలు
.ఈ ప్రయోగాలన్నీ భవిష్యత్తులో మానవ అంతరిక్ష వాసానికి మార్గం సిద్ధం చేస్తాయని శాస్త్రవేత్తలు విశ్లేషిస్తున్నారు.
శుభాంశు శుక్లా – ప్రొఫైల్
.శుభాంశు శుక్లా విద్యార్హతలు, శిక్షణలు అన్నీ అతడిని అంతరిక్ష యాత్రకు సమర్థుడిగా తీర్చిదిద్దాయి.
.ఆయన నేషనల్ డిఫెన్స్ అకాడమీ నుంచి కంప్యూటర్ సైన్స్ లో B.Sc. (2005) పూర్తిచేశారు.
.తర్వాత ఇండియన్ ఇన్స్టిట్యూట్ ఆఫ్ సైన్స్ (IISc), బెంగళూరు లో ఏరోస్పేస్ ఇంజనీరింగ్ లో మాస్టర్స్ ఆఫ్ ఇంజనీరింగ్ చేశారు.
.2020–21లో రష్యాలోని యూరి గగారిన్ కాస్మోనాట్ ట్రైనింగ్ సెంటర్ లో ప్రాథమిక వ్యోమగామి శిక్షణ తీసుకున్నారు.
.తరువాత ISRO ఆస్ట్రోనాట్ ట్రైనింగ్ ఫెసిలిటీలో అధునాతన శిక్షణ పొందారు. అలాగే నాసా, ESA, JAXA వంటి .అంతర్జాతీయ స్పేస్ ఏజెన్సీలతో సంయుక్తంగా శిక్షణ పొందారు.
భవిష్యత్‌కు బలమైన అడుగు
శుభాంశు శుక్లా మిషన్ విజయవంతంగా పూర్తవడంతో భారత అంతరిక్ష పరిశోధనకు మరో మెట్టు చేర్చినట్లయింది. ఆయన ప్రయాణం కేవలం వ్యక్తిగత విజయం మాత్రమే కాదు, భవిష్యత్తులో భారతీయుల అంతరిక్ష వాసానికి తలుపులు తెరిచే ఘట్టంగా నిలిచింది. భారతం నుంచి అంతరిక్షంలోకి అడుగుపెట్టిన తొలి వ్యోమగామి రాకేశ్ శర్మ తర్వాత శుభాంశు శుక్లా ఈ ప్రయాణంతో పుదతైన మైలురాయిని నెలకొల్పారు. భారత యువతకు ఆయన ప్రేరణగా నిలుస్తున్నారు.