Female Journalists: ఆఫ్ఘనిస్తాన్ లో మరో నిషేధం.. ఈసారి మహిళా జర్నలిస్టులు టార్గెట్..!

Resizeimagesize (1280 X 720) (5)

Female Journalists: ఆఫ్ఘనిస్థాన్‌లో తాలిబన్లు అధికారం చేపట్టినప్పటి నుంచి అక్కడి మహిళల పరిస్థితి మరీ దారుణంగా ఉంది. రానున్న రోజుల్లో మహిళల పట్ల కఠిన నిబంధనలు, చట్టాలు రాతున్నాయి. ఇదిలా ఉంటే ఇప్పుడు ఆఫ్ఘనిస్థాన్ మహిళా జర్నలిస్టుల (Female Journalists) గురించి ఓ షాకింగ్ న్యూస్ వెలుగులోకి వచ్చింది. టోలో న్యూస్ కథనం ప్రకారం.. తాలిబాన్లు నిర్వహించే విలేకరుల సమావేశాలలో పాల్గొనడానికి మహిళా జర్నలిస్టులకు చాలాసార్లు అనుమతి ఉంది. కానీ ఇప్పుడు అనుమతించటం లేదని ఆఫ్ఘనిస్తాన్ మహిళా జర్నలిస్టులు ఆరోపిస్తున్నారు.

టోలో న్యూస్ అనేది కాబూల్ నుండి ప్రసారమయ్యే ఆఫ్ఘన్ వార్తా ఛానెల్. దీనితో జరిగిన సంభాషణలో ఆఫ్ఘనిస్తాన్ మహిళా జర్నలిస్టులు తాలిబాన్లు నిర్వహించే విలేకరుల సమావేశాలకు చాలాసార్లు హాజరు కావడానికి అనుమతించబడలేదని పేర్కొన్నారు. పలు సందర్భాల్లో నిషేధానికి గురయ్యారు. కొందరు మహిళా జర్నలిస్టులు మాట్లాడుతూ.. ప్రభుత్వ సంస్థలు నిర్వహించే విలేకరుల సమావేశాలకు హాజరు కాకుండా తమను కొన్నిసార్లు నిషేధిస్తున్నారని చెప్పారు.

Also Read: Uganda: పాఠశాలపై ఉగ్రవాదులు దాడి.. 25 మంది మృతి, ఎనిమిది మంది పరిస్థితి విషమం

మహిళా జర్నలిస్టులను సమావేశం నుంచి బయటకు పంపించారు

అఫ్ఘానీ మహిళా జర్నలిస్ట్ నిలబ్ నూరి TOLO న్యూస్‌తో సంభాషణలో మాట్లాడుతూ మేము పాల్గొన్న విలేకరుల సమావేశం నుండి మమ్మల్ని బయటకు పంపడం బాధాకరమని అన్నారు. మహిళలు తమ సోదరులతో కలిసి పని చేసేలా ప్రతి రంగంలోనూ భాగస్వామ్యం కల్పించాలని ప్రభుత్వాన్ని అభ్యర్థించాలనుకుంటున్నాను. మరో ఆఫ్ఘన్ మహిళ ఫతానా బయాత్ TOLO న్యూస్‌తో మాట్లాడుతూ కొన్ని ప్రదర్శనలపై నివేదించకుండా తనను అడ్డుకున్నారని చెప్పారు.

ఇది పత్రికా స్వేచ్ఛపై దాడి అని ఆఫ్ఘన్ జర్నలిస్టుల రక్షణ కమిటీ అధిపతి అబ్దుల్ కడిమ్ వీర్ అన్నారు. జర్నలిజం రంగంలో స్త్రీ, పురుషుల మధ్య తారతమ్యం ఉండకూడదు. ఈ విషయంపై తాలిబాన్ అధికార ప్రతినిధి జబీహుల్లా ముజాహిద్ మాట్లాడుతూ.. ఇస్లామిక్ చట్టాల ప్రకారం మహిళా జర్నలిస్టులు మీడియాలో పనిచేయడానికి ఎలాంటి ఆంక్షలు లేవు. మీడియా చట్టాన్ని తాలిబన్ అధినేత ఆమోదం కోసం పంపామని, అయితే మహిళా జర్నలిస్టుల పనిని ఆపడంపై ఏమీ మాట్లాడలేదని ముజాహిద్ అన్నారు.