(Drone Attack: రష్యా రాజధాని మాస్కోలో మంగళవారం ఉదయం డ్రోన్ దాడి (Drone Attack) జరిగింది. రష్యా రాజధానిపై డ్రోన్ దాడి గురించి మాస్కో మేయర్ సెర్గీ సోబ్యానిన్ తెలియజేశారు. ఈ డ్రోన్ దాడిలో పలు భవనాలు దెబ్బతిన్నాయి. ఈ దాడి వల్ల పలు భవనాలకు స్వల్ప నష్టం వాటిల్లిందని, అయితే ఎవరికీ పెద్దగా గాయాలు కాలేదని మేయర్ సెర్గీ సోబ్యానిన్ టెలిగ్రామ్లో పోస్ట్ చేశారు.
రష్యా-ఉక్రెయిన్ యుద్ధం ఏడాదికి పైగా కొనసాగుతోంది. ఈ రెండు దేశాలు నిరంతరం పరస్పరం దాడులు చేసుకుంటూనే ఉన్నాయి. ఇదిలా ఉంటే, ఇప్పుడు రష్యా రాజధాని మాస్కోలో డ్రోన్ దాడి జరిగింది. అయితే ఈ దాడికి పాల్పడింది ఎవరనేది ఇంకా స్పష్టంగా తెలియరాలేదు.
భవనాల్లోని ప్రజలను ఖాళీ చేయించారు
దాడిలో దెబ్బతిన్న రెండు భవనాల నివాసితులను ఖాళీ చేయించడం జరిగిందని, నగరంలోని అత్యవసర సేవలన్నీ ఘటనా స్థలంలో ఉన్నాయని మేయర్ తెలిపారు. నగరానికి దక్షిణాన ఉన్న మాస్కో భవనంలో ఉన్న కొంతమందిని ఖాళీ చేయించినట్లు రష్యా RIA రాష్ట్ర వార్తా సంస్థ నివేదించింది.
Moscow and region under massive drone attack
For nearly an hour now, Russian air defense systems have been attempting to shoot down unmanned aerial vehicles However, their success has been inconsistent, as some drones have managed to penetrate through. 😂#Iran #Shaheds pic.twitter.com/1cc5cirrIX
— Dr. Khaled Alfaiomi (@Alfaiomi) May 30, 2023
అనేక డ్రోన్లను కూల్చివేసినట్లు గవర్నర్ ప్రకటించారు
అదే సమయంలో మాస్కో గవర్నర్ ఆండ్రీ వోరోబయోవ్ టెలిగ్రామ్ ఛానెల్లో మాస్కోకు వెళ్లే మార్గంలో అనేక డ్రోన్లను కాల్చివేసినట్లు చెప్పారు. డ్రోన్ను ఎవరు ప్రయోగించారనేది ఇంకా స్పష్టంగా తెలియలేదు. మాస్కో శివార్లలో నాలుగు నుండి 10 డ్రోన్లు కూల్చివేయబడ్డాయని అనేక రష్యన్ టెలిగ్రామ్ సందేశ ఛానెల్లు నివేదించాయి.
మాస్కో ప్రాంత గవర్నర్ ఆండ్రీ వోరోబయోవ్ తన టెలిగ్రామ్ ఛానెల్లో చేసిన ప్రకటన ప్రకారం.. ఎయిర్ డిఫెన్స్ డ్రోన్లను విజయవంతంగా వెంబడించి, నగరానికి చేరుకుంటున్న అనేక డ్రోన్లను కూల్చివేసింది. స్థానిక మీడియా నివేదికల ప్రకారం మాస్కోపై సుమారు 10 డ్రోన్లు ఎగురుతూ కనిపించాయి.